Қазақстан Орталық Азиядағы ең бейбіт ел деп танылды
Экономика және бейбітшілік тәуелсіз институты жыл сайын құрайтын ең бейбіт елдердің жаһандық рейтингінде Қазақстан бірден 19-орынға көтеріліп, Орталық Азияда көш бастады. Бұл туралы Stan.kz ақпарат агенттігі хабарлайды.
Біздің ел тізімдегі 78-ші орыннан 59-шы орынға жылжыды. Рейтингті құрастырушылар атап өткендей, Қазақстан бүкіл Орталық Азиядағы ең бейбіт ел болып шықты. Еліміз Орталық Азия бойынша бейбітшілік деңгейі бір жыл ішінде еш төмендемей, керісінше өскен жалғыз аймақ екен. Ал Қазақстаннан басқа бейбіт елдер тізімінде Өзбекстан, Тәжікстан және Қырғызстан болды.
"Қазақстан – тыныштықтың ең маңызды өсімін көрсеткен өңірдегі ең бейбіт ел. Қазақстанның жалпы индексі 10,8%-ға артып, рейтингте 78-ші орыннан 59-шы орынға көтерілді. Ол барлық санаттар бойынша көрсеткіштерді жақсартты", - делінген экономика және бейбітшілік институтының есебінде.
Дегенмен еліміз жаппай тәртіпсіздіктерге байланысты оқиғалардың саны бойынша үздік динамиканы көрсетіп отыр. Рейтинг жасаушылар бұрын үлкен наразылықтар мен зорлық-зомбылықтың өсу, әлеуметтік-экономикалық проблемалар (соның ішінде 2022 жылғы қаңтардағы оқиғасы) бар екенін атап өтті. Сондықтан болашақта бұл рейтинг төмендеуі де мүмкін.
2024 жылы ең бейбіт ел деп Исландия танылды. Сондай-ақ, топ-беске Ирландия, Австрия, Жаңа Зеландия және Сингапур кірді. Ең нашар жағдай әскери қақтығыстарға тікелей қатысты елдерде: Йемен, Судан, Ауғанстан, Украина және Ресейде, сондай-ақ бірқатар Африка мемлекеттерінде болды.
2007 жылдан бастап жыл сайынғы жаһандық бейбітшілік рейтингін Сиднейде орналасқан экономика және бейбітшілік институты жасайды. Әр түрлі елдердегі жағдайды бағалау кезінде қақтығыстарға қатысу, қылмыс деңгейі, террористік белсенділік, саяси тұрақтылық, көрші мемлекеттермен қарым-қатынас, милитаризация ауқымы және т.б. көрсеткіштер бойынша статистика ескеріледі.