Қазақ аруы атанған Гүлнәз Жоланова жуырда ұзатылады
Бұл жаңалықты естіген жігіт қауымының тынысы тарылып, қол жетпей жүрген сүйіктімнен айырылдым деген ойға қалған болар. Алайда асықпаңыз, Гүлнәз шынайы өмірде емес, Арман Дүйсеновтың кезекті бейнебаянында қалыңдық образына енді.
Бұл туралы Stan.kz хабарлайды.
Арман Дүйсенов өзінің инстаграмдағы парақшасында “Бүгін “Арман” атты Асқар ағамның өлеңіне жазылған өзімнің орындауымдағы тағы бір əніме бейнебаян түсірдік. Əуелі Алла, қала берді “Гəкку-Entertainment” – компаниясына, ардақты ағаларым – Нұрлан Абдуллин, Нұржан Тутов, жеңгем – Гүлшат Тутова, қарындастарым – Салтанат Қалиева, Гүлнәз Жоланова, Баян Есентаева, Сaнди Бексырға, бауырларым – Тимур Балымбетов, Али Бейсеков және ұжымы, “Орнат” рестораны және өзге де барлық əріптестеріме, отбасыма, демеушілік көрсеткен достарыма деген алғысым Шексіз!”, – деп жазып, жұмыла көтерген жүктің қайтарымы болатынын тілге тиек етті.
Арман Дүйсенов жақын уақытта екі бірдей әніне бейнебаян түсіріп, оны көрермендерге ұсынуды жоспарлап отыр. «Жан қызым» бейнебаянында актриса Гүлнәз Жоланова қалыңдықтың рөлін сомдайды. Ал ата-анасының рөлі Нұрлан Абдуллин мен Салтанат Қалиеваға тиесілі болды. Келесі бір “Арман” атты бейнебаянында қалыңдық ұзатылады. Бұл бейнебаянның да басты рөлі Гүлнәз Жолановаға бұйырды.
Естеріңізге сала кетсек, Гүлнәз Жоланова “Қазақ аруы-2014” байқауының жеңімпазы, “Махаббатым жүрегімде” телехикаясында басты рөлді сомдайтын актриса әрі тележүргізуші. Бір кездері актрисаны Тәуекел Мүслімге қосқан болатын. Әзірге актриса отбасын құруға асықпайтын сыңайлы.
МІНДЕТТІ ТҮРДЕ ОҚЫҢЫЗ:
Актриса Гульназ Жоланова освоила игру на домбре ради фильма о Нургисе Тлендиеве