“Қайраттың” жұлдызды футболшысы шұғыл ота жасатқалы жатыр
Алматылық "Қайрат" клубының жас жартылай қорғаушысы Азамат Тұяқбаев жақын күндері операция жасатады. Бұл туралы Stan.kz ақпарат агенттігі Asnews.kz сайтына сілтеме жасап хабарлайды.
Кейінгі уақытта 18 жастағы футболшының тыныс алуында қиындықтар туындаған.
Дәрігерлердің қорытындысынан кейін оған мұрын қалқасын түзетуге бағытталған септопластика отасын жасау туралы шешім қабылданды.
Отадан кейін ойыншыға шамамен бір айдай үзіліс қажет. Осыған байланысты Тұяқбаев үшін қазіргі маусым мерзімінен бұрын аяқталмақ.
Бұған дейін ол мұрын бітелгенін жеңілдету үшін арнайы тамшылар қолданған. Алайда бұл әдіс толық көмектеспей, матч кезінде 90 минут бойы жоғары қарқында ойнауына кедергі келтірген.
Айта кетейік, Азамат Тұяқбаев өткен маусымда "Қайраттың" негізгі құрамында алғаш рет алаңға шықты. Қазақстан Премьер-лигасының 24-туры аясында "Жетісуға" қарсы матчта гол соғып, командасының 5:0 ірі есеппен жеңіске жетуіне өз үлесін қосты. Сонымен қатар ол бірінші лигада 19 матч өткізіп, қарсыластар қақпасына 11 рет дәл соққы жасаған.
Алдағы уақытта алматылық клуб Чемпиондар лигасының жалпы кезеңінде тағы екі кездесу өткізеді. 20 қаңтарда өз алаңында "Брюггені" қабылдап, 29 қаңтарда Лондонда "Арсеналмен" ойнайды.
"Бәрі бір сәтте мәнсіз болып қалды": Таяу Шығыста қиын жағдайға тап болған қазақстандықтар көргендерін айтып берді
