Әнші Шахизаданың кешінде Қайрат Нұртас та өнер көрсетті. Екеуі қосылып махаббат тақырыбындағы әнге дуэт орындады. Әннің алғашқы жолдары орындала салысымен-ақ, көрермен толы зал үзіліссіз қол шапалақтап, ерекше ықылас танытты. Сиқырлы дауыс иесінің киімдері әдеттегідей ерекшеленіп тұрды. Осы концертке де Қайрат Нұртас костюмін арнайы тіктірген екен.

“Киімімдегі қазақтың әдемі оюы. Мұны анамның стилі десек те болады. Қазір көп жылтырақ киім кимейтін болдым. Бүгін танымал, халықтың ерке қызы Шахизаданың концерті болған соң, бұл кісінің кешіне салихалы аналарымыз бен әжелеріміз келетінін білдім. Сол себепті, мұнда былғары, джинсы шалбар киіп келуге ұялдым. Үлкен сарай болғандықтан, киелі сахнаны сыйлауды жөн көрдім. Соңғы кезде концерттерімді ареналарға беріп жүрген соң, крассовкіге де үйреніп алыппын”, – дейді Қайрат Нұртас.

Концертке көтеріңкі көңіл-күймен келген Қайрат Нұртас әдеттегідей инстаграм парақшасына сурет жүктеп, қайда кетіп бара жатқанын айтқан екен. “Әлеуметтік желіге күніне бірнеше рет кірмесем, басым ауырады” дейді ол. “Күніне бір сурет салуға тырысамын. Бізге әдемі, қызықты жерлерге түскен ұнайды. Көбінесе ұшақта түсіп жатамыз. Соңғы кезде инстаграм бізге ауру болды. Ол арқылы қызықты сәттеріңді бөліскің келіп тұрады. Бірақ, күнде уақыт бола бермейді”, – дейді ол.

Күніне бірнеше рет ұшаққа отыратын әнші желіге тек фотосын жариялайтын. Соңғы уақытта ол жиі видео сәлемдеме жолдайтын болған. “Видео аяқ астынан ұйымдастырылды. Жолда көлікте келе жатқан сәт болатын. Ішіміз пысып, “Ақжол” радиосын ойлап таптық. Бұл тікелей эфирде емес, тек инстаграмда жүргізіледі. Бір-екі рет жасап көрген соң, ары қарай қызық болып кетті”, – дейді Қайрат Нұртас.

Ерке Есмахан жігіттің кесірінен ұйықтаудан қалғанын мойындады

Анасынан аумай қалған қазақстандық жұлдыздар (фото)

Желіде Қайрат Нұртастың отбасының суреттері пайда болды (фото, видео)

Талқылау