Шығыс Қазақстан облысында алып алақан бейнесінде қашалған жұмбақ сурет табылды

Шығыс Қазақстан мемлекеттік университетінің профессоры Константин Прокопов Қатон-Қарағайдағы табиғи саябақтардың бірінен алып алақан бейнесіндегі қашалған сурет тапқан.

Бұл туралы Экспресс К басылымы хабарлайды.

“Мен мұны биік жардан байқап қалдым. Бұл ұзындығы бес метр болатын петроглиф. Сірә, белгісіз мүсінші салып кетсе керек”, – дейді Константин Прокопов.

Кімнің және неліктен мұндай биік жартасқа бұл суретті қашағаны беймәлім. Ғалым, тек оған ғасырға жуық өмір сүретін жергілікті балқарағайлар ғана куә болуы мүмкін дейді.