Катарда өзін зорлады деп арызданған голландық қызды қамауға алды
Катар полицейлері өзін зорлады деп арызданған 22 жастағы Нидерландының саяхатшы қызын қамауға алды. Оның адвокатының айтуынша, голландық қызды некесіз интимді қатынаста болды деп айыптауда.
Сурет: www.liveinternet.ru
Қамауға алынған қыздың айтуынша, оның ішкен сусынына белгісіз зат қосып, Дохадағы қонақүйдің біріне әкеліп зорлаған. Ол таңертең не болғанын есіне түсіре алмаған.
Зорлау ісіне күдікті ер адам да қамауға алынған. Алайда, оның айтуынша, жыныстық қатынас екі жақтың келісімімен болған.
Қыз наурыз айыннан бері қамауда. Оның ісіне қатысты сот отырысы дүйсенбі күні өтеді.
Дохадағы Нидерланды елшілігі қыздың айыпталушы емес, тек күдікті екенін айтады.
Катарлық БАҚ өкілдерінің мәліметінше, Лаураны ішімдік ішкені үшін де айыптауда. Алайда, Катардың кей аймақтарынада ішімдік ішуге рұқсат етілген.
Қызды қорғаушы жақ оның сусынды бір ішкеннен-ақ оған әлдененің қосылғанын түсінгенін айтады. Оған күдікті ретінде ұсталған жігіт те катарлық емес.
Жіберіп алмаңыз:
Алматыда ұлы өгей әкесінің өзін зорлап келгенін айтып берді
Бразилияда 16 жастағы қызды 30-дан аса ер адам зорлап, видеосын желіге таратып жіберген