Қашықтан оқыту салдарынан өткізіліп алған сабақтар өтеледі – Оқу-ағарту министрлігі
Қашықтан оқыту салдарынан өткізіліп алған сабақтар мектептерде міндетті түрде толықтырылады, әрі бұл үшін білімді меңгеруді тексеруге арналған нақты шаралар қарастырылған. Бұл туралы Оқу-ағарту бірінші вице-министрі Майра Мелдебекова мәлімдеді. Бұл туралы Stan.kz ақпарат агенттігі хабарлайды.
Оның айтуынша, қашықтан оқыту форматы белгілі бір жағдайларда, мысалы, қолайсыз ауа райы кезінде немесе тымау өршіген кезде қолданылады және аралас немесе толық онлайн форматтағы сабақтарды қамтиды. Соған қарамастан, оқытудағы олқылықтың орнын толтыру міндетті болады, мұғалімдер барлық оқушылардың оқу материалын меңгеруін тексеруі тиіс.
"Білімді толықтырудың тәсілдері мен кестесін мектептер педагогикалық кеңес отырыстарында өздері анықтайды. Әрбір өткізіліп алған сабақ бойынша мектептер ауысымның, сыныптардың ерекшеліктерін және оқушылардың жеке қажеттіліктерін ескере отырып, білімді толықтыруға арналған іс-шаралар жоспарын әзірлейді", - деді вице-министр Сенат кулуарында.
Онлайн сабақтар кезінде сабақтар қысқартылған форматта өтеді, мысалы, әдеттегі 40 минуттың орнына шамамен 20 минут қана болады деген сұраққа Мелдебекова әрбір академиялық сағат міндетті түрде толықтырылатынын айтты.
Қостанай облысында бірқатар мектептер қашықтан оқытуға көшті
Астанада ауа райына байланысты оқушылар мен студенттер қашықтан оқытуға жіберілді
Қараша айында ЖРВИ өршуіне байланысты көптеген оқушылар қашықтан оқытуға көшірілді. Шарықтау шегі 27 қарашада тіркеліп, сол күні елдің 13 өңірінде 250 мың оқушы қашықтан оқуға ауыстырылды.
10 желтоқсаннан бастап ауа райының қолайсыздығына байланысты Астана қаласының оқушылары қайтадан қашықтан оқи бастады. Қашықтан оқу режимі 17 желтоқсанға дейін жалғасты.
"Адамдар келсе айт, жылауға дайындалайық": Қазақстандықтар жаназа кезінде бастан кешірген жағымсыз жайттары туралы баяндады
