Қарағанды әкім күніне 5 шақырым жаяу жүреді
Қарағанды қаласының әкімі Нұрлан Әубәкіров қаланы қалай жаяу аралап шыққанын айтып берді.
Бұл туралы ҚазАқпарат хабарлайды.
Қала басшысы, билік өкілдері шынайы жағдайды тек көлігінің терезесінен ғана көреді деген халық сынын жоққа шығарды.
“Әрине, жазда қоңыр салқын, ал қыста жып-жылы кабинетте отырып, сыртқа тек көлігіңнің терезесінен көз жіберу – өте ыңғайлы. Бірақ, қала әкімінің жұмыс ерекшелігі басқа мемлекеттік қызметкерлерге қарағанда біраз айырмашылыққа ие. Яғни, бұл қызметте жүріп кеңсеге байланып қалуға болмайды. Бүгін, мәселен мен үш көшені аралап шықтым. Сіздерге ашығын айтайын, мен тымм ерте тұрып қаланы жаяу аралаймын”, – деді Нұрлан Әубәкіров.
“Жаяу жүрудің пайдасы көп. Біріншіден, бұл денсаулық үшін өте қолайлы, екіншіден барлығын өз көзіңмен көруге мүмкіндік бар”, – деп атап өтті әкім.
Ол күніне 5 шақырымнан кем жүрмейтінін де айтып өтті. Сонымен қатар, Қарағанды әкімі түйіні қиын мәселелерді шешіп беретіндігін де жеткізді.
Оқи отырыңыздар:
Депутат Қарағанды әкімін өте көрікті деп мақтады
Елбасы арпаны бидаймен шатастыратын әкім туралы әңгімелеп берді
Қызметкерлерін балағаттап аты шыққан басшының басы тағы дауға қалды
Елімізде білім мен медицинаға бөлінуі тиіс қыруар қаржы сыртқы қарызды жабуға жұмсалып жатыр
Назарбаев Мәсiмовтiң ҰҚК-нің төрағалығына тағайындалу себебiн түсiндiрдi