Қарағандыда жалдамалы пәтерден екі жасөспірімнің мәйіті табылды
Қарағандыда жалдамалы пәтерден 18 және 15 жастағы жігіттердің денелері табылды. Полиция мәліметінше, олардың мәйіттерінен зорлық-зомбылық белгілері анықталмаған. Бұл туралы Stan.kz ақпарат агенттігі хабарлайды.
Әлеуметтік желілерде жасөспірім мен жас жігіттің өлімі есірткіден болуы мүмкін деген болжам айтылып жатыр. Алайда полиция бұл ақпаратты ресми түрде растамады.
Олардың өліміне қатысты қылмыстық іс қозғалды.
Қарағанды облыстық полиция департаментінің хабарлауынша, тергеушілер қазір не болғанын анықтап жатыр. Барлық нұсқалар тексеріліп, куәлардан жауап алынып, оқиғаның барлық мән-жайы зерттеліп жатыр.
"Тергеу барысы полиция департаменті басшылығының бақылауында. Тексеру мен тергеу әрекеттерінің қорытындысы бойынша заңға сәйкес процессуалдық шешім қабылданады. Басқа ақпарат тергеу мүддесіне байланысты жарияланбайды", – дейді өңірлік ПД баспасөз қызметі.
"Бәрі бір сәтте мәнсіз болып қалды": Таяу Шығыста қиын жағдайға тап болған қазақстандықтар көргендерін айтып берді
Назгүл Тұрысбекованың сөзінше, олар құжаттарын ғана алып, қауіпсіз жерге шығуға мәжбүр болған
Ормуз бұғазының жабылуы, мұнай бағасының өсуі: Таяу Шығыстағы соғыс Қазақстан экономикасына қалай әсер етеді
Қаржыгер Айбар Олжайдың айтуынша, Ормуз бұғазы ұзақ мерзімге жабылмайды