Қарағандыда тұрғын үйде жарылыс болды: Тұрғындар газ баллонын пайдаланған

Қарағанды қаласында тұрғын үйдегі жылыту бу қазандығы жарылды. Бұл туралы Stan.kz ақпарат агенттігі хабарлайды. 

Фото: ТЖД

Төтенше жағдайлар министрлігінің баспасөз қызметінің хабарлауынша, оқиға түнгі сағат 03:30-да болды.

"Салдарынан тұрғын үйдің құрылыс конструкциялары бұзылған. Өртке қарсы қызмет келгенге дейін №2 пәтерден 5 адам, оның ішінде 2 бала өз бетімен шықты", - деп жазылған хабарламада.

ТЖД қызметкерлері үйінді астынан ер адамды шығарып, медициналық жедел жәрдем бригадасына тапсырды.

Фото: ТЖД

Өртті жоюға ТЖД, Апаттар медицина орталығынан, полиция қызметінен 45 адам, 13 бірлік техника жұмылдырылды.

Оқиға болған жерді тексеру нәтижесінде бір пәтерде тұрмыстық газ баллоны пайдаланылғаны анықталды.