Қарағанды облысында рельс ауыстырып жатқан төрт жұмысшыны жүк пойызы басып кетті
Фото: depositphotos.com
Қарағанды облысында рельс ауыстырып жатқан төрт жұмысшыны жүк пойызы басып кетті. Бұл туралы Stan.kz ақпарат агенттігі хабарлайды.
10 желтоқсан күні сағат 17:15-те Шешенқара – Қаражанғыл аралығындағы Мойынты – Шығанақ учаскесінде рельс ауыстыруға арналған жоспарлы жұмыстар кезінде жүк пойызы апатты жағдайда тоқтады. Осы кезде жол бойында Сарышаған станциясының жұмыс тобы жөндеу жұмыстарын жүргізіп жатқан.
Қайғылы жағдайдың алдын алу мүмкін болмады. Төрт қызметкер оқиға орнында алған ауыр жарақаттарынан көз жұмды.
Қарағанды облысында пойыз жеңіл көлікті соғып, үш адам қаза тапты
“Қазақстан темір жолы” АҚ басқарма төрағасының тапсырмасымен арнайы комиссия құрылды.
“Оған компанияның бас инженері жетекшілік етеді. Комиссия құрамына “ҚТЖ-Жүк тасымалы” мен Магистральдық желі дирекциясының өкілдері кірді. Комиссия оқиғаның себептерін анықтау үшін оқиға орнына аттанды”, – делінген ақпаратта.
Еске салсақ, осыған дейін Петропавлда интернет жүргізіп жатқан жұмысшы биіктіктен құлап, қаза тапқанын жазғанбыз.
Қазақстандық көршісін үйіне іздеп барып, оны өлі күйінде тапқан: Ақыр соңында қылмыстағы басты күдіктіге айналды
