Қар мен көктайғаққа байланысты Қазақстанның үш облысында көлік қозғалысы шектелді

Фото: Ru.freepik.com

Ауа райы қолайсыздығына байланысты Ақмола, Абай және Шығыс Қазақстан облыстарында автожолдардың жекелеген учаскелерінде көлік қозғалысы шектелді. Бұл туралы Stan.kz ақпарат агенттігі хабарлайды.

“Қазавтожолдың” мәлімдеуінше, Ақмола облысында сағат 10:40-тан бастап ылғал қар, жаңбыр және көктайғаққа байланысты республикалық маңыздағы Астана – Шідерті – Павлодар – Успенка – Ресей Федерациясының шекарасы (Қосақ өткізу пункті) автожолының 16–200 шақырым аралығында, яғни Астанадан Павлодар облысының шекарасына дейін барлық көлік түрлері үшін қозғалысқа шектелді.

Ауа райы қолайсыздығына байланысты сағат 11:30-дан бастап барлық автокөлік түрлері үшін республикалық маңызы бар KAZ02 Астана – Көкшетау – Петропавл – Ресей Федерациясының шекарасы автожолының 19–231 шақырым аралығында жылдамдық шектеуі сағаына140 шақырымнан 100 щақырымға дейін төмендетілді.

Сағат 12:30-дан бастап республикалық маңызы бар KAZ01 “Астана – Қарағанды – Алматы” автожолының 30–92 шақырым аралығында, яғни Жібек Жолы кенті – Анар станциясына дейін жылдамдық шектеуі сағатына 80 шақырымнан 60 шақырымға дейін шектеу енгізілді.

Абай облысында таңғы сағат 7:30-дан бастап Қытай Халық Республикасының шекарасы – Майқапшағай – Зайсанды айналып өту жолымен – Қалбатау – Семей – Павлодар – Ресей Федерациясының шекарасы автожолының 756–906 шақырым аралығында (Семей – Қалбатау учаскесі) барлық автокөлік түрлері үшін қозғалыс шектелді. Жол шамамен сағат 13:00-де ашылады.

Шығыс Қазақстан облысында Өскемен – Семей автожолы, 10–103 шақырымы, яғни Герасимовка ауылынан Абай облысының шекарасына дейін жол қозғалысы шектелді. Бұл өңірде жол шамамен 14 желтоқсан күні сағат 06:00-да ашылуы ықтимал.