"Қанатты тесіп шығатын не деген құстар?!": Айқын Төлепберген Ақтау маңындағы ұшақ апатына қатысты екіұшты жазба жариялады
Эстрада жұлдызы Айқын Төлепбергеннің Ақтау маңында құлаған ұшақтың себебіне қатысты жазбасы көпшілікті ойландырды. Бұл туралы Stan.kz ақпарат агенттігі хабарлайды.
Фото: https://www.instagram.com/aikyn/
Өнер иесі жеке парақшасына шұрық-тесік ұшақ бөлшектерінің фотосын бөлісті.
Айта кетейік, бүгін Ақтау маңында Әзірбайжан әуе компаниясына тиесілі Embraer ұшағы апатқа ұшыраған еді.
Алдын ала ақпарат бойынша апатқа ұшақтың құстар тобымен соқтығысуы себеп болды деген болжам айтылды.
“Қанатты тесіп шығатын не деген құстар?! Кешегі құлаған ұшақтың бір жағынан кіріп, басқа жағынан тесіп шыққан. Оның үстіне олар тек трибунаға түсер еді. Түсінетін адамға бәрі түсінікті”, – деп жазды әнші.
Айта кетейік, Ақтау маңында апатқа ұшыраған ұшақта зардап шеккен ресейлік жолаушыларды алып кету үшін Қазақстанға Ресейдің төтенше жағдайлар министрлігінің Ил-76 ұшағы келді.
Еске салсақ, Ақтау маңында ұшақ құлағаны туралы хабарлаған едік. Ұшақта 62 жолаушы мен 5 экипаж мүшесі болған. Бұған дейін желіде ұшақтың ішінде апатқа дейін және кейін түсірілген видеолар пайда болған еді.
Фото: https://www.instagram.com/aikyn/