Қанат Исламның қарсыласы Брэндон Кук Астанаға келді (видео)
Қазақстандық кәсіпқой боксшы Қанат Исламның (24-0,19КО) кезекті қарсыласы канадалық Брэндон Кук (18-0, 11КО) Астанаға келді.
«Қыркүйектің 9-ы күні Қазақстанның «Сарыарқа» велотрегінде бокс кеші өтеді. Үлкен жекпе-жек өтетін күнді асыға күтіп жүрмін. Менің командама өте керемет тәжірибе болады. Біз осындамыз және біз дайынбыз», – деп жазды канадалық боксшы өзінің Instagram-дағы парақшасында.
Еске сала кетейік, Ислам – Кук жекпе-жегі 9 қыркүйек күні Астанадағы «Сарыарқа» велотрегінде өтеді. Отандасымыз бірінші орта салмақтағы WBO NABO және WBA Inter-Continental белдіктерін қоғайды.
Сондай-ақ осы жекпе-жектің андеркартында қазақстандық 8 боксшы шаршы алаңға шығады. Бұған дейін ғаламторда Қанат Ислам – Брэндон Кук айқасының жаңа промо-ролигі шыққан болатын.
Оқи отырыңыз:
“Челси” футболшылары қарағандылық балалар үйінің тәрбиеленушілерімен кездесті (фото, видео)
Таразда сал ауруына шалдыққан балалар футболшыларға тосынсый жасады
Арман Әшімов: Жеңілмеген спортшыны нокаутқа түсірген кезде үш мың адам қоңырау шалды