Қақпаны Шерхан Қалмырза қорғайды: “Қайрат” бүгін “Копенгагенге” қарсы ойнайды

Фото: “Қайрат” фк

Алматылық “Қайрат” футбол клубы жасөспірімдер арасындағы УЕФА Чемпиондар лигасы аясында сырт алаңда Данияның “Копенгаген” U-19 командасына қарсы матч өткізеді. Бұл туралы Stan.kz ақпарат агенттігі хабарлайды.

Бұл матчта "Қайрат" келесі құрамға сенім артып отыр:

Шерхан Қалмырза, Данияр Ташпулатов, Әмірбек Базарбаев, Мұстафа Шен, Адлан Нұрғалиев, Шыңғыс Дүйсенбек, Мұхамедәлі Әбіш, Әкежан Қалиқұлов, команда капитаны Азамат Тұяқбаев, Рамазан Бағдат және Мансұр Бірқұрманов.

"Копенгаген" U-19 пен "Қайрат" U-19 арасындағы ойын Астана уақытымен 17:45-те басталады.

Түнде қос клубтың негізгі құрамдары да өзара мықтыны анықтайды.

Айта кетейік, "Қайраттың"  негізгі құрамы бұған дейін өз алаңында “Реалдан” 5:0 есебімен ойсырай ұтылып, “Пафоспен” 0:0 тең есеппен тарқасқае. Ал сырт алаңда “Интерден” 2:1 есебімен жеңілген еді.

Чемпиондар лигасының жалпы кестесінде “Копенгаген” 33-орында тұрса, “Қайрат” 34-сатыға орналасқан. Бүгінгі матчта жеңіске жеткен команда 3 ұпай еншілейді.

Сондықтан екі ұжым үшін де бұл матч тартысты әрі аса маңызды болмақ.