"Кабинетінде тұншықтырып, ұрған": Ақтөбеде әкімді ғашығынан кейінгі жанжал үшін соттап жатыр

Фото: Stan.kz

Ақтөбе облысына қарасты Қандыағаш қаласының әкімі Қазбек Аққайыр сот алдында жауап берді. Шенеунікке өзімен қарым-қатынаста болған әйелді соққыға жықты деген айып тағылды. Бұл туралы Stan.kz ақпарат агенттігі хабарлайды.

Сотта әйел 2021 жылы онымен танысқанын айтты. Қазбек Аққайыр отбасын тастамайтынын, бірақ "оған да, әйеліне де зиян келтірмейтінін" уәде еткен. Алайда бірнеше жылдан кейін алғаш рет күш қолданған.

Әйелдің сөзінше, бәрі әкімнің кабинетінде болған. Жанжал кезінде ол тұншықтырып, басы мен бетіне бірнеше рет соққы жасаған.

"Мен Аққайырды 2021 жылдан бері танимын. Алдымен әлеуметтік желіде таныстық, кейін қарым-қатынас басталды. Ол үйленгенін айтты, бірақ "Отбасымды тастамаймын, сені де ренжітпеймін“ деп уәде берді. Қарым-қатынас жалғасты. 2024 жылдың желтоқсанында ол маған күш көрсетті. Өмірімде бірінші рет ер адам қол көтерді. Шок болдым. Шынымен жарақат алдым. Ол мені тұншықтырып, жұдырықпен ұрды. Мойнымнан ұстап, қабырғаға қарай сүйреді", – деді әкім сотта.

Ал Аққайыр өз кінәсін мойындамай, айыптауды жала деп санайды.

Сотта куәгер ретінде әкімдік қызметкерлері мен жергілікті блогерлер шақырылды. Әйелдің айтуынша, блогерлер оны әкімге қарсы арызын қайтарып алуға үгіттеген.

Айта кетейік, әйел үш баланы тәрбиелеп отыр және бала бақшада тәрбиеші болып жұмыс істейді.

"Жұмыста бастық шақырып, "Жоғарыдан қоңырау түсіп жатыр. Жұмысың керек болса, ойлан, сен жалғызсың, балаларың бар" деді. Блогерлер де қысым көрсетті. Арыздан бас тартуымды қалады", – деді ол.

Істі сот әлі қарайды, алда айыпталушыдан жауап алу кезеңі болады.

"Тоқаевпен істесеңші": Ақтөбе әкімі желідегі сыни жазбасы үшін белсендіге қоңырау шалған

Алматыда аудан әкімдері брусчатка мен гранит плиталарын негізсіз ауыстырғаны үшін сөгіспен шектелді

Еске салайық бұған дейін, Ақтөбе облысында әкім кабинетіне мәселе көтермек болып келген тұрғынды жұлқылап қуып шығарған. Ол өзін тұрғындардың мазалауынан шаршағанын айтқан. Кейін ол кеңесте тәртібі үшін қатаң сөгіс алды. Әкім кабинетіне келген тұрғынды жұлқылап қуып шыққаны үшін сынға ұшырады. Алғашында әрекетін жоққа шығарғанымен, кеңес отырысында өз дауысы тыңдалды. Әдеп кеңесі төрағасы оның сөзін өрескел деп бағалап, мемлекеттік қызметкерге мұндай мінез-құлық жараспайтынын ескертті. Әкімге жұмысты жалғастыруға мүмкіндік берілді, бірақ мұндай жағдай қайталанса, қызметінен кететіні айтылды. Қазбек Аққайыр бұл қызметке 2024 жылдың шілдесінде сайланған.