Оқиға 2 сәуірде сағат 19:38 шамасында қаладағы №10 автобуста болған. Жағдайды қоғамдық көлікке мініп, ер адамның қорлығына тап болған қыздың анасы баяндап берді.

Оның айтуынша, кешкі уақытта қызы автобусқа мініп, салонның ортасында тұрған.

Алматыда ер адам көшеде кішкентай баланың көзінше өзін-өзі қанағаттандырған

Қарағанды емханасында келушілердің көзінше өз-өзін қанағаттандырған ер адам 15 тәулікке қамалды

"Алдындағы орында өзін әдепсіз ұстаған ер адам отырған. Ол қызыма күлімсіреп, қарап тұрған. Сосын тағы бір жолаушы, хиджаб киген қызға қараған. Жүргізуші ер адамның құлағына бірдеңе айтқан, сосын хиджабтағы қыз бұрылып қарап, оның әрекетін көріп, қорыққанынан басқа орынға кетіп қалған. Ер адам өз әрекетін төрт аялдама бойы, яғни Емцовтан Крылов аялдамасына дейін жалғастырған", – дейді әйел.

Әйелдің айтуынша, оның қызы Крылов аялдамасынан түскен. Сосын оның соңынан белгісіз ер адам ерген.

"Ер адам қолына ойыншық ұстап, қызыма жақындай бастаған. Қызым қорқып, "Кетіңіз" деп айқайлапты. Қызым аялдамада тұрған жас жігіттен көмек сұраған. Ол әлгі күдіктіні тоқтатуға тырысқан. Дегенмен ер адам қайта-қайта жақындай берген соң итеріп жіберіпті. Сосын ғана тоқтаған. Жүргізуші мен жолаушылар оқиғаға куә бола тұра ешқандай әрекет етпеген. Олар мұны күнде болып жатқан әрекет секілді қабылдап, үндемей отыра берген", – дейді әйел.

Сондай-ақ әйел қоғамдық көлікте жолаушылардың, әсіресе қыздардың қауіпсіздігін қамтамасыз ету шараларын қабылдауға шақырды.

Аталған жағдайға қатысты Stan.kz Алматы облыстық полиция департаментінен мән-жайды сұрап білді.

Полиция аталған жағдай бойынша тергеу жүргізіп жатқанын мәлімдеді.

"Объективті мән-жайлар, құқық бұзушының жеке басы міндетті түрде анықталып, заңнамаға сәйкес шаралар қолданылады. Сонымен қатар осы дерекке қатысты полицияға бұрын-соңды ешқандай өтініштер, арыздар немесе сигналдар түспегенін хабарлайды", – делінген хабарламада.

Айта кетейік, бұған дейін Астанаға бет алған пойызда ер адам жолаушыға қарап, өзін-өзі қанағаттандырғаны туралы жазған едік.

Талқылау