Испан миллиардері туған ауылының барлық тұрғынын миллионерге айналдырды (фото)

Corona сыра брендінің негізін қалаушы сспаниялық миллиардер өзі туып-өскен Сереcалес дель Кондадо ауылына ерекше сыйлық жасады.

Фото: diariodeleon.es

Бұл туралы The Telegraph басылымы жазады.

Антонино 1917 жылы 13 желтоқсанда көпбалалы отбасында дүниеге келген. Ол отбасындағы 13 баланың он біріншісі. Үйі кедейшілікте өмір сүргендіктен, ол 14 жасынан бастап мектепті тастап кеткен.

1949 жылы жасы 32-ге келген кезде ол отбасымен бірге Мексикаға қоныс аударады. Ол жерде жас жігіт бас айналдырарлық мансап жолын жасап, Grupo Modelo сыра компаниясының директорлығына дейін көтеріледі.

Биылғы жылдың тамыз айында Фернандес 99 жасында көз жұмды. Ол өзінің келісімі бойынша 209 миллион долларға жуық ақшаны туған ауылының әрбір тұрғынына берілсін деп аманаттап кеткен. Ол ауылда қазіргі таңда 80 адам тұрады екен.

Бұл ретте әр ауыл тұрғынына 2,6 миллион доллардан тиеді.

Фернандес әрқашан өз отанын ұмытпаған. Испанияның бұрынғы патшасы Хуан Карлос та оның қайырымдылығына тәнті болған.

Антонионың балалары жоқ. Ол өз компаниясын ісін әрі қарай жалғастырған жиеніне тастаған.

Оқи отырыңыз:

Үндістанда селфидің кесірінен 127 адам көз жұмды

Жолаушылар ұшағы туралы сіз білмейтін 7 құпия (фото)

Мұғалімі интернаттағы тұрмысы төмен 13 жасар оқушысын 10 мың долларға сатпақ болған

Әлемдегі ең кішкентай жұп ақыры шаңырақ көтерді (фото, видео)