Иран әлемдік интернеттен біржолата ажыратылмақ

Фото: Pixabay.com

Ирандағы құқық қорғаушылардың айтуынша, билік жаһандық интернеттен біржолата ажыратылып, тек тексерістен өткендердің қосылуына мүмкіндік беруді жоспарлап отыр. Бұл туралы Stan.kz ақпарат агенттігі хабарлайды.

Filterwatch ұйымының есебіне сәйкес, Ислам Республикасы дәстүрлі жаппай интернет цензурасынан бас тартып, жаңа, әлдеқайда қауіпті стратегияны таңдады. Енді олар халқын интернет әлемінен оқшауламақ.

"Мемлекеттік БАҚ және үкімет шенеуніктері бұл өзгерістің тұрақты екенін анық айтып, 2026 жылдан кейін де интернет қайта оралмайтынын ескертті", – деп жазады белсенділер.

"Иран сценарийінің" қайталануынан қорқу: Ақорда не себепті шұғыл Құрылтай өткізбек?

Расталмаған жоспарға сәйкес, қауіпсіздік рұқсаты бар немесе үкіметтің тексеруінен өткен ирандықтарға жаһандық интернеттің сұрыпталған нұсқасына қол жеткізу мүмкіндігі беріледі. Басқа ирандық азаматтарына тек ұлттық интернетке қол жеткізуге рұқсат етіледі, бұл әлемнің қалған бөлігінен оқшауланған ішкі, параллель интернет.

Еске салсақ, бұған дейін Иранда ұлттық валюта құлдырап, жаппай наразылықтар басталғаны, сондай-ақ наразылық акцияларының соңы тәртіпсіздік пен тонауға ұласқаны туралы жазған едік. АҚШ президенті Дональд Трамп Иранның қауіпсіздік күштері наразылық білдірушілерге оқ атқан жағдайда, оларға көмек көрсетуге дайын екенін мәлімдеді. Осы мәлімдемеден кейін Иран өздеріне шабуыл жасалса Израиль мен АҚШ базаларына соққы беретінін ескертті.