Мамандар миллиондаған Instagram қолданушысының жеке мәліметін қолды қылған хакерлер, енді ақпараттық шабуыл жасауға көшкен дейді. Яғни аккаунттарды бұзу мақсатында құпиясөзді өзгерту туралы ескертпе жіберіп жатыр. Ал мұндай хабарлама кей қазақстандықтарға да келген екен.

“Malwarebytes” компаниясының мәліметінше, жеке ақпараты жарияланып кеткен қолданушылардың саны – 17 миллион 500 мың адам. Жасанды интеллект және цифрлық даму министрлігі дербес деректері ұрланғандардың арасында қанша қазақстандық бары тексеріліп жатыр деді. Әзірге нақты ақпарат жоқ. Ал Мета компаниясының өкілдері Instagram желісі хакерлік шабуылға ұшырап, жүйе бұзылды дегенді жоққа шығарды.

“Біз сыртқы бір тараптың Instagram қолданушыларына “парольді қалпына келтіру” туралы хат жіберуіне мүмкіндік берген техникалық ақауды түзеттік. Қолданушыларды сабырға шақырамыз. Жүйеміз бұзылған жоқ. Instagram аккаунты қауіпсіз. Бұл хаттарды елемеуге болады. Туындаған түсініспеушілік үшін кешірім сұраймыз”, – деп жауап берді Мета компаниясы.

Сонда да мамандар әлеуметтік желіде барынша сақ болуға шақырады. Яғни, парақшаға қорғаныс жүйесін енгізіп, күмәнды сілтемелерге өтпеуге кеңес береді. Сондай-ақ желіде өздігінен құпиясөзді өзгерту туралы хабарламаға кірмеген абзал дейді.

Өмір айнасы

Айым Болатқызы

Сейсенбі, 13 Қаңтар, 2026 08:18

Біздің таңдауымыз

"6 миллион теңгеге дейін табыс табуға болады": Ауылда мал бағып жүріп, ағылшын үйренген 16 жастағы қазақстандық жұртты тәнті етті

Исмаиль: “Бір бұқаның құны 900 мың теңге"

Шымбұлақтан да үлкен жаңа Көкжайлау тау шаңғысы курорты салынады: Жоба алматылықтар үшін не береді

Дәл осы жобада жеке виллалардың салынбайтыны нормативтік құжатпен нақты бекітілуі қажет дейді Ержан Еркінбаев