Илон Маск әлем елдеріндегі туу көрсеткіштері картасын жариялады: Тізімде Қазақстан да бар

Коллаж Stan.kz

Илон Маск Дүниежүзілік банк пен Statista деректеріне негізделген әлем елдеріндегі туу көрсеткіштері картасын жариялады. Бұл туралы Stan.kz ақпарат агенттігі хабарлайды.

Илон Маск X әлеуметтік желісінде "The State of Global Fertility" ("Әлемдік туу жағдайы") деп аталатын суретті бөлісті. Карта 2023 жылдың статистикасын көрсетеді.

Картағы елдер туу көрсеткішіне қарай бірнеше түске боялған. Статистика әр елдегі бір әйелден туған балалардың орташа саны бойынша есептелген.

- қара-көк – 4 және одан жоғары;

- көк – 3,0-3,9, (картада Қазақстан көк түске боялған)

- ашық көк – 2,0-2,9;

- қызғылт – 1,0-1,9;

- қызыл – 1,0 төмен, бұл елдерлегі демографиялық дағдарысты көрсетеді. 

Картаға сәйкес, ең жоғары туу көрсеткіші Африка елдерінде. Еуропа, Шығыс Азия және Солтүстік Америкада көрсеткіш төмен деңгейде. 

Еске салсақ, бұған дейін Қазақстан "бэби-бум" кезеңінен шығып, туу көрсеткіші күрт төмендеп кеткені туралы жазған едік.