Іле ауданы әкімінің ұсталуы: Қоқыс полигонының орнына не салынатыны белгілі болды
Алматы облысы Іле ауданындағы қоқыс өңдейтін зауыт құрылысының тағдыры белгілі болды. Зауыт қоқыс полигонында пайда болуы керек еді, сол полигон үшін Іле ауданының әкімі Бағдат Қарасаевқа қатысты қылмыстық іс қозғалды. Бұл туралы Stan.kz ақпарат агенттігі Tengrinews.kz сайтына сілтеме жасап хабарлайды.
Фото: Устенка Live
Сыбайлас жемқорлыққа қарсы қызмет әкім Бағдат Қарасаевты биыл күзде ұстады. Прокуратураның хабарлауынша, оны Іле ауданындағы қоқыс полигонының қызметін тексеру нәтижесінде қамауға алды. Антикордың айтуынша, ол "Тұрмыстық қалдықтар полигонын сенімгерлік басқару құқығын өзімен үлестес компанияға беру арқылы қызмет бабын асыра пайдаланды" деген күдікке ілінген.
Оның үстіне, әкім қамауға алынар алдында 25 шілдеде Іле ауданындағы қатты тұрмыстық қалдықтар полигонының аумағында болашақ зауыттың іргетасы қаланды.
Полигонды ADC Taza Alem ЖШС жүргізіп, қазір қоқыс өңдейтін зауыт құрылысының жобалық-сметалық құжаттамасы әзірленіп жатыр екен.
"Нысанның құрылысы жоба бойынша сараптаманың оң қорытындысын алғаннан кейін ғана басталуы мүмкін. 11.02.2020 жылғы №146999 электрондық сауда хаттамасына сәйкес, полигон "ӘДК Таза Әлем" ЖШС-не сатып алу құқығынсыз сенімгерлік басқаруға берілген", – деп хабарлады облыс әкімдігі.
Қатты тұрмыстық қалдықтар полигонының ауданы – 34,3 гектар. Тұрмыстық қалдықтар полигонына күніне 100 тоннадан астам қоқыс түседі.
Айта кетейік, 60 жастағы Бағдат Қарасаев 2018 жылдың наурыздан бері Алматы облысы Іле ауданының әкімі болып жұмыс істеген.