"Hermes Kelly сөмкесін арзан бағада жеткізіп беремін": Алматыда блогерлерді алдаған әйелге сот үкімі шықты
Алматы соты сән әлеміне белгілі "Винтаж" журналының бренд-директоры Әсемгүл Хасанғалиеваны бес жарым жылға бас бостандығынан айырды. Оған аса ірі көлемдегі алаяқтық жасады деген айып тағылды. Ол өзінің таныстарына жалған брендті сөмкелер мен сағаттар сатқан. Бұл туралы Stan.kz ақпарат агенттігі "Время" басылымына сілтеме жасап хабарлайды.
Фото: 1.Әсемгүл Хасанғалиева / 2. Анель Давлетходжаеваның желідегі парақшасынан алынған
Мәліметтерге сенсек, тұтынушылар Audemar Piguet сағаттарын қолына тағып, кештерде көзге түсу үшін 24 500 доллар төлеп, сатып алып отырған. Әсемгүл олардың әрқайсысына әлемде тек 400 данамен ғана шығарылған, құны 40 мың доллар тұратын ерекше хронографтарды сатамын деп сендірген.
Сонымен қатар Hermes Kelly брендіне тиесілі сөмкені сатып алушылар одан 14 000 еуро санап беріп отырған. Алайда уақыт өте келе Әсемгүлдің сатқан барлық сәнді тауарларының құнына тұрмайтыны белгілі болды. Алданғандар әділдікті талап етіп, құқық қорғау органдарына арыз жаза бастады. Осылайша Алматының Алмалы аудандық сотының судьясы Тағлым Ахметова үкім шығарды.
Іс материалдарына сәйкес, 2020 жылдың күзіне қарай Әсемгүл өзінің құрбысының күйеуі Д.Молдахановпен танысқан. Ол өзін әлемдік брендтердің сән үйлері мен дүкендерінің өкілі ретінде таныстырған. Хасанғалиева өзінің мода саласындағы байланыстарын айтып, түпнұсқа брендтік тауарлар мен зергерлік бұйымдарды арзан бағамен жеткізіп беруге уәде берген.
Тергеу нұсқасы бойынша, байер байларға "түпнұсқалар" неге арзан екенін түсіндірген. Бұдан бөлек оның жақын достық қарым-қатынастары арқылы ол жеңілдікке ие болатынын айтқан. Ал бұған Молдаханов сеніп қалған.
Молдаханов әйелі Д.Қожасбаеваға сыйлық ретінде Hermes Kelly сөмкесін сатып алуды шешіп, блогер-байерге барлығы 7 280 000 теңге (сол кездегі курс бойынша 14 000 еуро) төлеген. Әсемгүл сөмкені әкелгенімен, чек пен тауардың түпнұсқалығын растайтын құжаттарды неге екені белгісіз, ұсынбаған.
Кейінірек Молдаханов Хасанғалиевадан тағы бір Hermes Birkin сөмкесін 15 000 еуроға сатып алуды өтінген. Кәсіпкердің көмекшісі байерге қолма-қол ақшаны Honey-Honey мейрамханасында берген. Әсемгүл танымал адамдармен тек жоғары деңгейдегі орындарда кездесу ұйымдастырып, күдік тудырмауға тырысқан. Бірақ екінші тапсырыс орындалмаған. Бұл жағдайдан кейін бірнеше басқа алаяқтық фактілері де ашыла бастаған.
Байер қожасбаеваны да күмәнді сыйлықтарға алдап келген екен. Ол Әсемгүлден өзінің сүйікті жары Молдахановқа Audemar Piguet сәнді швейцар сағатын тапсырысқа алған. Хасанғалиева сағатты да чек пен сертификатсыз Кожасбаеваға беріп, құжаттарды кейінірек жеткіземін деп уәде еткен. Бірақ бұл соңы емес... Байер Кожасбаеваны әкесіне дәл осындай хронографты 24 мың долларға "жақсы жеңілдікпен" сатып алуға көндірген. Әрі ол үнемі өзі үшін де сөмкелерге тапсырыс беріп отырған. Сондықтан оған 16 000 доллар тұратын Hermes Birkin, Hermes Her Bag және арзандау Celine Triomphebag қажет болған. Бірақ тағы мүлдем құжатсыз.
2022 жылдың қазан айында Кожасбаева бір жерден Мәскеудегі Hermes сән үйі жалған брендтік тауарларды сатқаны туралы оқып, күмәндана бастаған. Сүйікті жұбай мен қыз сағаттардың түпнұсқалығын тексеру үшін Viled зергерлік салондағы шеберлерге жүгінген. Олар сағаттардың түпнұсқадан мүлдем алыс екенін растаған.
Келесі жәбірленуші Хасанғалиеваның тағы бір танысы М.Құрбаналиева болды. Оның күйеуі Е.Нүкенов те дәстүрлі схеманың құрбаны болған. Әсемгүл оларға Мәскеудегі Mercury дүкенінен 525 000 теңгеге екі Bottega Veneta сөмкесін әкелген, бірақ тағы құжатсыз. Нүкеновтің байлығын білетін Әсемгүл Хасанғалиева М.Құрбаналиеваға 12 000 еуро тұратын Hermes Kelly сөмкесін 8 000 еуроға арзанға сатып алуды ұсынған. Байер сендіру үшін зергерлік бөлімге ауысатындықтан мұндай мүмкіндіктің соңғы екенін айтқан. Нүкенов 1 500 000 теңгені әйелінің жүргізушісі арқылы жеткізіп, қалған 2 200 000 теңгені Хасанғалиеваның есепшотына аударған.
Әсемгүл сөмкені жеткізген, бірақ құжаттарды кейінірек беремін деп уәде еткен. Былықты жою үшін, байер Нүкеновке Құрбаналиеваны клиенттік базаға енгізгенін айтқан. Кейінірек Хасанғалиева Нүкеновке Hermes Kelly сөмкесінің чегі мен сертификатын берген, бірақ құжаттар қытай тілінде болған. Дегенмен, Әсемгүл оны қалай болса да сендіріп, тауардың Мәскеудегі Hermes сән үйінің ресми дүкенінен сатып алынғанын мәлімдеген. Кейінгі сараптама бұл тауардың түпнұсқамен еш қатысы жоқ екенін анықтаған.
Келесі құрбан А.Даулетходжаева болды. Байер оған Mercury дүкенінің өкілі екенін айтып, Celine сөмкесі мен белбеуге тапсырыс алған. Даулетходжаева компаниясының бухгалтері арқылы Әсемгүлге 1 470 000 теңге аударған. Тауар жеткізілгенімен, тағы да жалған болып шыққан.
Сот ісіндегі басқа эпизодтарда тағы да "бейшара" Hermes бар. Хасанғалиева Даулетходжаевқа жұбайына Hermes Birkin сөмкесін сатып алуға көндірген. Даулетходжаев 19,5 мың долларды курьер арқылы Алматы әуежайына, Парижге ұшып бара жатқан Әсемгүлге жіберген. Әлемнің сән астанасында дәл сол модель қолжетімсіз болғандықтан, байер Мәскеуге ұшып, сөмкені сатып алу үшін Даулетходжаевтан әйелінің паспортын жіберуін сұраған. 2022 жылдың 8 тамызында Хасанғалиева Nino мейрамханасында құрбысына туған күнге сыйлық әкелген. Красива қапталған қораптан 26 000 цифрлы чекті тапқанымен, валютасы көрсетілмеген.
Тергеу барысында жүргізілген сараптама Hermes Birkin сөмкесінің түпнұсқа емес екенін анықтады. Даулетходжаев 9 223 500 теңгеге алданған.
Хасанғалиева бұл уақытта Б.Пралиев пен оның әйелі А.Бермұхамбетованы да алдап үлгерген. Олар 14 500 еуроға Hermes Kelly сөмкесін сатып алған. Әсемгүл сөмкені Бермұхамбетоваға құжатсыз берген. Бірақ сөмкенің ілгегі тез арада үзіліп қалған. Байер оны Парижде ауыстырып беремін деп уәде етіп, көп ұзамай дәл осындай сөмкені алып келген.
Кейінгі уақытта Хасанғалиева Бермұхамбетоваға 20 мың долларға жалған Hermes Birkin сөмкесін сатқан. Пралиев болса, анасына Hermes Kelly сөмкесін сыйлауға шешім қабылдаған. 18 500 еуроның жартысын қолма-қол ақша ретінде, қалғанын банктік аударыммен берген.
Жалпы Хасанғалиева алаяқтық және сенімді теріс пайдалану жолымен Пралиевке 28 320 000 теңге көлемінде едәуір зиян келтіріп, өзге адамның мүлкін бірнеше мәрте иемденген. Сот құжаттарында Пралиевтің әйелімен ажырасқаны көрсетілген. Ажырасудың себептері туралы тек болжам жасауға болады.
Бермұхамбетова, өз кезегінде, оннан астам сөмке сатып алу арқылы 46 767 864 теңге жұмсап, өзінің, әпкесінің және анасының сөмкелерін алуға тырысқан. Тергеу басталған кезде, "Bolotov and Partners" (Hermes International SCA компаниясының Қазақстандағы ресми өкілі) жауап қайтарған: сатып алынған тауарлардың барлығы жай ғана жалған болып шықты.
Сотта Әсемгуль Хасанғалиева өзін барлық эпизодтар бойынша кінәсіз деп таныды. Оның айтуынша, сегіз жәбірленуші рейдерлік жолмен оның журнал шығаратын бизнесін алуға талпынып жатыр. Нүкенов байерді айфонын бұзып, оның кінәсіздігін растайтын дәлелдерді жоюда айыптаған. Сонымен қатар ол жәбірленушілерді ешқашан алдамағанын, тек олардың өтініші бойынша Мәскеуден брендтік тауарларды жеткізуші ретіндегі рөл атқарғанын мәлімдеді. Алайда сот Хасанғалиеваның клиенттерге арзан жалған тауарлар жеткізіп жатқанын толық білгенін шешті.
Сот шешімімен Хасанғалиевадан жәбірленушілерге компенсация ретінде 63 600 теңге, сондай-ақ 1 293 207 теңге мемлекеттік баж төлеу міндетті түрде өндіріліп алынды. Светская львица жәбірленушілерге 143 миллион теңгеден астам қаржыны өтеуі тиіс.
Айта кетейік, бұл сот процесі ашық болды.
Еске салайық, бұған дейін алматылық бірнеше блогер өздеріне брендтік сөмкелердің көшірмесін сатқан құрбысын сотқа берді. Олардың айтуынша, күдікті түпнұсқа сөмкелердің орнына құны 500 доллар тұратын көшірмесін сатқан. Күдікті оларды алдап қана қоймай, блогерді басқа құрбыларымен араздастыруға тырысады.