Хат жазып қалдырған: Оралда 17 жастағы жасөспірім өзіне қол жұмсады
Оралда 17 жастағы жасөспірім биіктен секіріп мерт болды. Ол мұндай қадамға бармас бұрын хат жазып қалдырыпты.
Бұл туралы Stan.kz ақпарат агенттігі «Мой ГОРОД» порталына сілтеме жасап хабарлайды.
Қайғылы жағдай 14 қарашада Әбілхайыр хан даңғылында орын алған. Алдын ала мәлімет бойынша, жасөспірім 4-қабаттың терезесінен секіріп кетіпті.
БҚО денсаулық сақтау басқармасының баспасөз қызметінің мәліметінше, оқиға орнына жеткен жедел жәрдем дәрігерлері жасөспірімді қалалық көпсалалы ауруханаға жеткізген.
«Өкінішке орай, жас жігіт алған жарақаттарының салдарынан жансақтау бөлімінде көз жұмды», - дейді ведомстводағылар.
БҚО полиция департаменті аталған ақпаратты растады. Полиция мәліметінше, жасөспірім өлімінің алдында хат жазып қалдырған.
Оқиғаның мән-жайы анықталып жатыр.
"Екі дипломым бар, 5 тіл білемін": Қазақстандық ару Англияға саңырауқұлақ терумен айналысып жүр
Лаура: "Толықтай табыс 7 миллион теңгедей"
Қазақстандық қария 67 жылдан кейін бауырымен қауышты: Олар бір-бірін TikTok арқылы тапқан
Айкерімнің айтуынша, әкесінің отбасы шекара бөлінген кезде Қытай аумағында қалып кеткен