"Хәл үстінде жатқан адамның атын пайдаланды": Тамара Асар беймезгіл уақытта мазалайтын оқырмандарына ескерту жасады

Танымал әнші Тамара Асар беймезгіл уақытта мазалап, жеке телефонына хабарласатын оқырмандарына ренішін жеткізді. Бұл туралы Stan.kz ақпарат агенттігі хабарлайды. 

Фото: https://www.instagram.com/tamara_assar_official/

Өнер иесі оқырманының түнгі 23.00 шамасында жеке нөмеріне жазғанына ашуланып қалған. 

“Өзің танымайтын белгілі адамның нөмерін тарату, оған мезгілсіз уақытта жазу – әдепсіздік. Заң жүзінде тәртіп бұзумен тең. Әлеуметтік желіде көмекшілерімнің нөмері бар. Сол кісілерге хабарласа аласыздар. Туысқан мен жақындарымның өзі сұрауларын жүйелі түрде жеткізеді. Жастар да, жас еместен де, сыйластық пен сауаттылықты талап етейік. Ал Алланың атын жамылып, хәл үстінде жатқан адамның жағдайын пайдаланып, түнде таңда жазуға рұқсат жоқ”, – деп жазды әнші. 

• "Күйеуіме бас иемін": Тамара Асар туған күнін дүркіретіп тойлады

• "Қалың қасымды жұлып тастадым": Тамара Асар 19 жастағы кезін көрсетті

Сонымен қатар өнер иесі репертуарындағы әндерді орындауға ниет білдірген тыңдармандарын да құлағдар етті. 

“Өзіңізге ұнаған менің орындауымдағы кез келген әнді жеке кәдеңізде қайталап, орындауыңызға болады. Бірақ дәл музыкасына өз даусыңызды жазып алып, әлеуметтік желіге таратуға қарсымын. Платформаларға жүктеуге қарсымын”, – деді өнер иесі. 

Еске салайық, әнші тұрмысқа шығып, мәһрге көлік сұрағанын айтқан еді.