Головкин жекпе-жегі билеттерінің бағасы қанша
Геннадий Головкиннің бапкері Абель Санчес боксшының америкалық қарсыласы Дэниэл Джейкобсты азулы спортшы деп бағалады.
Фото: ҚазАқпарат
Бұл туралы “Астана” арнасы хабарлайды.
Головкиннің командасы Джейкобстың кәсіби рингте жеңілістері бар екеніне қарамастан, оны аса қауіпті қарсылас деп отыр.
Бұған дейін Головкин-Джейкобс кездесуінің 18 наурызға бекітілгені хабарланған еді. Бокс кеші Нью-Йорк қаласында өтеді. Қазіргі таңда билет құны да анықталған. Ең төменгі билет бағасы 100 доллар болса, ең қымбаты – мың долларға дейін жетеді.
Жекпе-жекке билеттерді Madison Square Garden кассасынан немесе Ticketmaster.com сайты арқылы тапсырыс беріп алуға болады. Жекпе-жекті HBO телеарнасы ақылы трансляция (PPV) жүйесі бойынша таратады. Көрермендер боксты көру үшін 54,95 доллардан төлеуі тиіс.
Madison Square Garden аренасы құшағына 17-18 мың адамды сыйдыра алады. Головкин соңғы рет бұл аренада канадалық Давид Лемьеге қарсы жұдырықтасып жеңіске жеткен болатын.
Оқи отырыңыз:
Криштиану Роналду төртінші мәрте “Алтын доп” иегері атанды
Футбол тарихындағы ең қитұрқы пенальти желі қолданушыларын таңғалдырды (видео)