Орта салмақтағы WBA (Super), IBO, WBC және IBF тұжырымдары бойынша әлем чемпионы Геннадий Головкин (37-0-1, 33 КО) мексикалық Сауль “Канело” Альвареске (49-1-2, 34 КО) қарсы екінші жекпе-жек туралы пікірімен бөлісті, деп хабарлайды Vesti.kz.

Головкин мен “Канело” арасындағы екінші кездесудің өтетіні туралы бірнеше сағат бұрын белгілі болды. Жекпе-жек 5 мамыр күні өтеді. Кездесуді НВО арнасы ақылы жүйе (PPV) арқылы тікелей эфирде көрсетеді.

“Альвареспен екінші рет кездесуге дайынмын. Жалпы жекпе-жектің өтетініне қуаныштымын. Бұл – күллі әлем күткен жекпе-жек. Мен бірінші кездесуде төрешілердің бірнеше шешімімен келіспеген едім. Бұл жолы ешқандай күмән болмайды. Мен шаршы алаңда орта салмақтың чемпионы ретінде кетемін”, – деп келтіреді Головкиннің сөзін BoxingScene.com порталы.

Еске салайық, олардың бірінші кездесуі 2017 жылдың 19 қыркүйегінде Лас-Вегастағы T-Mobile спорт кешенінде өтіп, тең аяқталды.

Бұған дейін Бақтияр Артаев Головкиннің жеңісіне күмән келтірген болатын.

Тағы да оқыңыз:

Головкин мен Альварес үш жекпе-жек өткізбек

Мұхамеджан Тазабек: Головкин біздің балалардай емес, миллиондарды кешіп жүргеніне қарамай тым қарапайым екен

Он бір жыл түрмеде отырған боксшы Головкинді жекпе-жекке шақырды

Талқылау