Ғалымжан Кенжебек “Ахмат” сапындағы алғашқы матчын өткізді
Фото:Kazfootball
Қазақстандық футболшы Ғалымжан Кенжебек "Ахмат" клубы сапында алғаш рет алаңға шықты. Бұл туралы Stan.kz ақпарат агенттігі хабарлайды.
Грозныйлік клуб Сербияның "Нови-Пазар" командасымен жолдастық матч өткізді. Қазақстан ұлттық құрамасының жартылай қорғаушысы матчта қосалқы құрамнан алаңға шықты.
Кенжебек екінші таймның 66-минутында қарсылас қақпасына қауіпті соққы жасап, есеп ашуға жақын болды. Алайда гол соға алмады. Көп ұзамай сербиялық клуб қарымта шабуыл ұйымдастырып, 71-минутта есеп ашты.
Нәтижесінде матч 1:0 есебімен "Нови-Пазар" командасының пайдасына аяқталды.
Айта кетейік, Ғалымжан Кенжебек "Ахмат" сапына ресми түрде 10 қаңтар күні қосылған. Бұл ойын оның Ресей Премьер-лигасы клубы құрамындағы алғашқы матчы болды. Қазіргі таңда "Ахмат" командасын Қазақстан құрамасының бұрынғы бас бапкері Станислав Черчесов жаттықтырады.
РПЛ маусымының алғашқы қорытындысы бойынша "Ахмат" 22 ұпай жинап, турнир кестесінде 8-орында тұр.
"Екеуі екі-үш күн қатарынан жанжалдасып, соңы осындай болды": Шымкентте 21 жастағы қыздың өліміне қатысты көршілері көргендерін айтты
