Қазақстан құрамасының және шымкенттік "Ордабасы" командасының капитаны Асхат Тағыберген ұлттық құрамадағы ең қымбат футболшылардың ондығына кіреді. Шымкент әкімінің айтуынша, жартылай қорғаушы бұдан былай “ойнай алмайды".

“Футболшылардың орташа жалақысы – 15 миллион теңге. Келісімшарт 2 жылға жасалды, олар Еуропалық футбол қауымдастықтарының одағында тіркелген. Олармен келісімшартты бұзсақ, айыппұлды толық төлеуге тура келеді. Асхат Тағыберген енді ойнай алмайды, кеткісі де келмейді. Ашығын айтамын, жалақы 20 миллион теңге. Мен бұл жағдайға қатысты ештеңе істей алмаймын”, – дейді қала басшысы.

Айта кетейік, Ғабит Сыздықбеков 2023 жылдың 5 қыркүйегінде Шымкент қаласының әкімі болып тағайындалған соң бір айдан кейін "Ордабасы" алғаш рет ел чемпионы атанды. Өткен маусымда "Ордабасы" "Ақтөбеден" бір ұпайға қалып, төртінші орын алған еді.

34 жастағы Асхат Тағыберген Қазақстан премьер лигасының жаңа маусымындағы екі ойында да негізгі құрамда ойнағанымен, нәтиже көрсете алмады. Ұлттық құраманың бас бапкерінің міндетін атқарушы Асхат Қазақстан құрамасының Уэльс пен Лихтенштейнге қарсы 23 және 26 наурыз күндері өтетін матчтарына шақырылды.

Шымкент әкімі Асхат Тағыбергеннің 20 миллион теңгені қандай мерзімге алатынын нақтыламады. Футболдағы жалақы тәртібін негізге алсақ, бұл футболшының ай сайынғы жалақысы. Соманы еуроға шаққанда Асхат Тағыберген ай сайын шамамен 36 мың еуро немесе жылына 432 мың еуро айлық алады.

Дастан Сәтбаевтың Челси футбол клубынан қанша жалақы алатыны белгілі болды

Бюджет қаржысынан төленбейді: Қазақстан футбол федерациясы Черчесовтің жалақысын жариялаудан бас тартты

Capology сайтының мәліметінше, елдегі ең көп жалақы алатын футболшы Бахтиёр Зайнутдинов түріктің "Бешикташында" ойнап жылына 2 миллион еуро жалақы алса, қазақстандық шабуылшы Абат Айымбетовке "Адана Демирспорында" ойнағаны үшін жылына 620 мың еуро төленеді.

Бұған дейін "Қызыл-жар СК" бапкерлері мен қызметкерлері жыл басынан бері жалақыларын ала алмай жүргені туралы жазған едік.

Талқылау