Фристайл-акробатикадан Дінмұхаммед Райымқұлов Еуропа кубогының жеңімпазы атанды
Швейцарияның Айроло қаласында фристайл-акробатикадан өтіп жатқан Еуропа кубогында қазақстандық спортшы чемпион атанды. Бұл туралы Stan.kz ақпарат агенттігі хабарлайды.
Еуропа кубогының кезеңінде ерлер арасындағы жекелей сында бақ сынаған Дінмұхаммед Райымқұлов алтын жүлдеге ие болды. Отандасымыз 96,58 ұпай жинады. Осылайша қазақстандық спортшы қос украиндық фристайлшыдан басып озды.
Екінші және үшінші орынды Украин елінің өкілдері иеленді. Максим Кузнецов (96,23) күміске қол созса, Дмитро Котовский (85,30) қоланы қанағат тұтты.
Айта кетейік, бұған дейін Дінмұхаммед Райымқұлов Еуропа кубогында күміс жүлде еншілеген еді.
"Сап-сау баламды мүгедек қылып алдым": Қазақстандық әйелдің көзінше баласы азелит ішіп, өңешін күйдіріп алған
Бүгінде баланың асқазанына гастростома қойылған, өздігінен тамақтана алмай қалғанда ас тікелей асқазанға стома арқылы енгізіледі
Қазақстан әуежайлары қандай заңдарды бұзды және бұл үшін оларды қалай жазалады
Көптеген әуежай авиаотынды монополиялық жоғары бағада сату арқылы миллиондаған табыс тапқан