"Фарида сияқты қызыңыз": Ұлықпан Жолдасовтың әйелі халықтан сөз естіді

Белгілі сазгер Ұлықпан Жолдасовтың әйелі Айған Жолдасова пікір айтамын деп сынның астына қалды. Бұл туралы Stan.kz ақпарат агенттігі хабарлайды. 

Фото: Жеке парақшадан алынды

Өнер иесі дауға ұласып жатқан журналист Асхат Садырбайдың отбасына қатысты өз ойын бөліскен еді. 

“Отбасымызбен сені жақсы білеміз. Болат ұлымызға қол созып біраз көмектескеніңді де ұмытпаймыз. Әке-шешеңді қатты құрметтейміз. Ал қарындасың Бақытжамал неше жылдан бері қызымыздай болып кеткен. Мықты маман, адам ретінде өте керемет жан. Еш уайымдама, айналаңда толы достарың, сенің қандай екеніңді жан-жағың біледі. Бәрі жақсы болады. Өз басым сені қатты құрметтеймін. Әрқашан ақылыңды айтып, жол сілтеп отырасың. Достығымызға ешкім кедергісін келтіре алмайды. Біз сіздерді құрметтейміз! Дым уайымдама! Кімнің кім екенін уақыт шешеді! Алла жар болсын!”, – деп жазды арт-директор. 

• "Сотқа қайырылмауыма болмады": Асхат Садырбай жеке өміріндегі даулы оқиғаға пікір білдірді

• "35 мың теңге алимент": Ерке Есмахан бірінші некесіне қатысты сұраққа жауап берді

Желі қолданушылары түрлі пікір білдіріп, сазгердің әйелін сынның астына алды. 

“Асхат жақсылық жасады екен деп, мақтай беру керек пе?!”, “Фарида сияқты Ерке де, Айғаным да қызыңыз емес пе?!”, “Өзіңізге жақсылық жасаса болды, басқаларына не істесе де істей берсін бе?!”– деп жазды көпшілік. 

Фото: https://www.instagram.com/aiganym_bolatkyzyy/

Еске салайық, Асхат Садырбай бұрынғы әйелін сотқа беріп, 1 миллион 500 мың теңге талап етіп отырғанын жазған едік.