Еуропада коронавирустың жаңа штамы анықталды
Еуропада коронавирустың жаңа штамы – дельтакрон анықталды. Бұл жайлы Дүниежүзілік денсаулық сақтау ұйымы төтенше аурулар бөлімінің техникалық топ басшысы Мария ван Керкхове мәлімдеді, деп хабарлайды Stan.kz ақпарат агенттігі.
ДДСҰ өкілінің сөзінше, жаңа штамм Францияда, Нидерландта және Данияда анықталған. Алайда дельтакронның жұғу деңгейі өте төмен екен.
"Дельтакрон омикрон мен дельта штамдарының қосылуынан туындаған", – деді брифинг барысында Мария ван Керкхове.
Керкхове бұл туралы 7 наурызда өткен ДДСҰ кездесуінде талқыланғанын айтты.
Дельта мен омикрон штамдарының қосылуынан туындаған жаңа штам жайлы алғаш рет Кипр университеті биология ғылымдары факультетінің ғалымдары қаңтар айында айтқан. Алайда бұл кезде ДДСҰ мұның тексеру кезіндегі қателік болуы мүмкін екенін алға тартқан.
Айта кетейік, шетелде коронавирус жұқтырып, карантинге жабылған қазақстандықтар өз кеңестерімен бөліскен еді.
"Адамдар келсе айт, жылауға дайындалайық": Қазақстандықтар жаназа кезінде бастан кешірген жағымсыз жайттары туралы баяндады
Желі қолданушысы: "Қазақтың жерлеу рәсімін жек көремін"
Не себепті Қазақстанда туу көрсеткіші Ресейден жоғары? Сарапшылар мұның пайдасы мен зиянын айтып берді
Демограф: “Жастар арасында child free ұстанымына бет бұру үрдісі бар”