Ер адам 11 жастағы қызға ұятсыз хабарлама жазып, кездесуге шақырған: Күдікті Таразда ұсталды (видео)

Фото: Видеодан скрин

Таразда Жаңа адамдардың “124” азаматтық науқаны әлеуметтік желіде кезекті экспериментін жүргізді. Осылайша олар “Sergen Polk” атты жалған аккаунтпен жасырынған ықтимал педофилді әшкереледі. Ер адам 11 жасар қызбен интимдік байланыс орнатуға тырысқан. Бұл туралы Stan.kz ақпарат агенттігі хабарлайды.

Белсенділер педофилді анықтау үшін алдымен 11 жасар қыздың атынан аккаунт ашқан. Алғашқы сәттен-ақ профилге лүпіл мен түрлі хабарламалар келген. Жазған адамдардың басым бөлігі ересектер. Бір қызығы оларды қыздың жасы қызықтырмаған. Тіпті олар балалармен сөйлескен ұнайтынын ашық айтқан. 

“Педофилдің болуы – Алланың бар екеніне дәлел”: “Нұр-Мүбарак” университеті сынға қалған қазақстандық имамға тек ескерту берді

“Педофилдер арамызда жүр”: Кішкентай қыздардың видеосына пікір қалдырып, қырындаған еркектер желі қолданушыларын шошытты

Олардың арасында “Sergen Polk” атты жалған аккаунт иегері ерекше табандылық танытып, бала екенін біле тұра хабарлама жазып, ұятсыз стикерлер жіберген. Сондай-ақ ересектер туралы әңгіме қозғап, онда тұрған ештеңе жоқ екенін айтқан. Сосын кездесуге шақырып, оның құпия қалуын талап еткен. Ересек ер адам кездесуге келген кезде оны белсенділер күтіп алған. Осылайша ықтимал педофил тергеу жұмыстары үшін құқық қорғау органдарына жеткізген. 

Айта кетейік, бұған дейін Түркістанда Жаңа адамдардың “124” азаматтық науқаны әлеуметтік желілерде эксперимент жүргізіп, “Адам Адамов” атты жалған аккаунтпен жасырынған ықтимал педофилді әшкерелегені туралы жазған едік. Ол кезде ер адам 11 жасар қызбен интимдік байланыс орнатуға тырысқан.