"Халыққа жүргізілген түсіндіру жұмыстары кезінде белгілі бір олқылықтарға жол берілген", – деді министр журналистердің сұрақтарына жауап беру кезінде.

Мирзағалиев Энергетика министрлігін басқарғанына үш айға жуық уақыт өтсе де, болып жатқан жағдайға жауапкершілікті сезінетінін мойындады.

"Бұл жолы мен Жаңаөзенде болмадым. Кеше сол жерге бірден вице-министрді жібердім. Мен өз жауапкершілігімді сезінемін. Өзім басқарып отырған салаға жауапкершілікті сезінбей, қалай энергетика министрі болып жұмыс істеймін. Әлбетте, энергетика министрлігін басқарып отырғаныма үш айға жуық уақыт болса да, өз жауапкершілігімді түсініп, сезінемін", – деді ол.

Сонымен қатар, министр бағаны 85-90 теңгеге дейін төмендету үкіметтің шешімі емес, кәсіпкерлердің бастамасы екенін айтты.

Маңғыстау облысының әкімі Жаңаөзен тұрғындарымен кездесті

Әлеуметтік желіде "Ынтымақ" алаңынан түсірілген видеолар тарауда. Ақтауда не болып жатыр?

Маңғыстаудағы газ қымбатшылығы: Жұмысшылардың бір бөлігі ереуілге шығатындарын ескертті

"Бұл өзінің әлеуметтік жауапкершілігін түсінетін бизнес. Тиісті бастамамен барлық кәсіпкерлер шықты. Біз бизнестің қолын пайдаланып отырған жоқпыз. Бұл олардың өз бастамалары", – деп түйіндеді Мырзағалиев.

Бұған дейін министрліктің халық наразылығына неліктен кеш жауап бергенін түсіндірген.

Жаңаөзен мен Ақтаудағы жағдай

2 қаңтар күні Жаңаөзен қаласында жүздеген көлік иелері көшеге шыққан болатын. Олар жиындарда 1 қаңтардан бастап литрі екі есе қымбаттаған сұйытылған газ бағасын төмендетуді талап етті.

Энергетика министрлігі бағаның көтерілуін сұйытылған газды өндірушілердің оны электронды сауда арқылы сатуға көшуімен түсіндірді.

Бірақ халықтың түсіндірмесі қанағаттанбады, себебі Қазақстанның батыс өңірлеріндегі көлік толығымен дерлік газдандырылған. Көтеріліс салдарынан наразылық акциясы облыстың бірнеше ауылын қамтып, шерулер түннің бір уағына дейін жалғасты

Талқылау