Енді қазақстандықтар мемлекеттік қызметкерлердің жалақысының мөлшеріне ықпал ете алады
2025 жылдан бастап қазақстандықтар мемлекеттік қызметкерлердің жұмысын онлайн бағалап, олардың жалақысына тікелей әсер ете алады. Бұл туралы Stan.kz ақпарат агенттігі хабарлайды.
Фото: freepik.com
Бұл туралы Жоғарғы есеп палатасы жанындағы тиімділікті талдау және бағалау ғылыми-зерттеу орталығы мәлімдеді.
Орталықтың мәліметінше, 2029 жылға қарай еліміздегі барлық мемлекеттік органдардың жұмысы толығымен цифрландырылып, рейтингі төмен шенеуніктердің жалақысы қысқартылатын болады.
Тиімділікті талдау және бағалау ғылыми-зерттеу орталығының ғылыми жобалар жетекшісі Бауыржан Боқаевтың айтуынша, қазіргі уақытта Қазақстанда мемлекеттік аппарат жұмысын толық цифрландыру бағытында зерттеулер жүргізілуде. Бұл азаматтар мен мемлекеттік қызметкерлер арасындағы байланысты нығайту үшін қажет.
"Ұлыбритания, Сингапур және АҚШ сияқты елдердің басқару үлгілері Қазақстандағы меритократия, цифрландыру және мемлекеттік аппараттың тиімділігін арттыру саласындағы озық тәжірибелерді енгізудің үлгісі болып табылады", – деді Боқаев.
Қазақстандықтар қызмет саласы мен түріне қарай мемлекеттік қызметшілердің қызметтік міндеттерін атқаруға қажетті білімі мен дағдыларын бағалайтын әдістеме дайындалған, алайда әзірге жобалардың егжей-тегжейлері белгісіз.
Еске салсақ, бұған дейін Қазақстанда мемлекеттік қызметкерлерге құмар ойындарды ойнауға заңмен қатаң тыйым салынғаны туралы жазған едік.