Елордада ер адам әйелін атып өлтіріп, 5 жасар ұлын жарақаттады
Нұр-Сұлтан қаласында отбасылық жанжал атыспен аяқталды. Ер адам әйелін атып өлтіріп, 5 жасар ұлын жарақаттаған, деп хабарлайды Stan.kz ақпарат агенттігі қалалық полиция департаментінің баспасөз қызметіне сілтеме жасап.
20 қазанда сағат 22:19-да полицияға қаланың 55 жастағы тұрғыны мен 5 жасар балаға оқ тигені туралы қоңырау түсті.
«Анықталғандай, 59 жастағы ер адам отбасылық жанжал кезінде әйеліне оқ атып, сонымен қатар өзге некеден туған ұлын жарақаттаған. Салдарынан әйел оқ жарақатынан көз жұмды. Ал зардап шеккен бала ауруханаға жеткізілді. Ер адамның оқиға кезінде мас болғаны белгілі болды», - делінеді полиция хабарламасында.
Күдікті тұтқындалып, уақытша ұстау изоляторына тоғытылды.
Полиция оқиғаға қатысты сотқа дейінгі тергеуді бастады.
Талқылау
"Қанды Қаңтар" алдында газ бағасын көтеруді қолдаған мұнай сарапшысы тағы сынға қалды: Енді жолақыны қымбаттатуды ұсынды
Сарапшы Олжас Байділдиновтің айтуынша, қазіргі субсидиялау жүйесі тиімсіз
"Неге сонша нақұрыс болдыңдар": Желіде қазақтарды "құлдар" деп қорлаған әйелге шағым түсті
Әйелдің пікірінше, қазір Қазақстанда толыққанды орта, ал тіпті, жоғары білімді қазақ тілінде алу мүмкіндігі шектеулі