Елордада 15-ші қабаттан секіріп кеткен жігіт қаза тапты
Елордада 15-ші қабаттан секіріп кеткен жігіт қаза тапты.
Бұл туралы ҚазАқпаратқа жедел жәрдем қызметінен хабарлады.
«Өкінішке орай ол азамат есін жимастан қаза тапты», – деді жедел жәрдем қызметінен.
Оқиға орнына жеткенімізде полиция қызметкерлері жиналып кеткелі жатыр екен. Бірақ, бізге қандай да бір ақпарат беруден бас тартты. 16 қабатты тұрғын үйдің 15-ші қабатында полиция қызметкерлерінің саусақ іздерін алғандығы байқалады.
Біз сөзге тартқан тұрғындардың барлығы да басын өлімге тіккен жігіттің сол үйде тұратындығын не тұрмайтындығын да дөп басып айта алмады. Тек мүрдені жедел жәрдем көлігінің алып кеткендігін ғана айтты.
Бұл қайғылы оқиғаны Facebook әлеуметтік желісінде оқиға куәгерлері хабарлаған болатын. «Қазір ғана біздің үйдің 15 қабатынан жас жігіт секіріп кетті. Әйел күйеуін ұстап қала алмады. Төтенше жағдайлар мен жедел жәрдем ауладағы көліктердің кесірінен үй кіре берісіне жете алмады», – деп жазды Facebook пайдаланушы Махаббат Есен.
Жіберіп алмаңыз:
Астанада кішкентай сәби 5-ші қабаттан құлап аман қалды
Павлодарда ер адам 12-қабаттан құлап мерт болды
Көкшетауда 5-ші қабаттан құлаған студент ауруханада көз жұмды