Елімізде зейнетақы жинақтарын "Отбасы банкіне" аудару келесі жылға шегерілді
Зейнетақы жинақтарының бір бөлігін "Отбасы банкіне" аудару мүмкіндігі келесі жылға қалдырылды, деп хабарлайды Stan.kz ақпарат агенттігі.
Қазақстан Республикасының Индустрия және инфрақұрылымдық даму министрлігі 2022 жылдың қаңтарынан қазақстандықтарға қаражаттың бір бөлігін "Отбасы банкіндегі" депозиттерге аударуға мүмкіндік беретін зейнетақы жинақтарына түзетулерді қабылдаудың алдын ала мерзімін жариялады. Қазір бұл бұйрық дауыс беру сатысында тұр.
Зейнетақы шотындағы жеткіліктілік шегінің 60-80%-ға артуына байланысты бұл қаражатты кез келген адам аудара алмайды.
- Зейнетақы жинағының жеткілікті шегі артады: Қазақстандықтар наразылықтарын білдіріп, петиция әзірледі
- "Енді халықтың баспана алуға шамасы жетпейді": Сарапшылар болжам жасады
- "Бұл - ең сәтсіз шешім": Сарапшылар зейнетақы қорының жеткілікті шегінің артуы жайында айтты
Мемлекет басшысы Қасым-Жомарт Тоқаев 1 қыркүйекте Қазақстан халқына кезекті Жолдауында зейнетақы жинақтарының жеткіліктілік шегінен жоғары бөлігін "Отбасы банкіндегі" шоттарға аударуға рұқсат беруді тапсырған болатын.
"Зейнетақы жинақтарының бір бөлігін аударуға байланысты науқанның сәтті өткені туралы мен бірнеше рет айтқан болатынмын. Осы үрдісті сақтау үшін зейнетақы жинақтарының жеткіліктілік шегінен асатын бөлігін тұрғын үй сатып алу үшін "Отбасы банкіндегі" шотқа аударуға рұқсат беру қажет деп санаймын", - деген еді президент.