Қазақстандықтар бұдан былай жүргізуші куәлігін тапсыруға өз бетінше дайындала алмайды. Енді оларды алу үшін сіз автомектепке баруыңыз керек. Жаңа ереже бүгіннен бастап күшіне енді.

Елімізде 2016 жылы жүргізушілердің өздігінен дайындалуына рұқсат етілді. A, A1, B және B1 санаттарына үміткер автокөлік әуесқойлары негізгі білімді оқытушының көмегінсіз-ақ ала алатын еді. Бұл қағида тәжірибелі жүргізушілер арасында түсінбеушілік тудырды.

Алты жылдан кейін депутаттар бұл қағидаларды жоюды ұсынды. Талқылау екі жылға созылды. Бүгін жаңа түзетулер өз күшіне енді. Мамандардың айтуынша, жақында жол-көлік оқиғалары азаяды. Енді курсанттарды мемлекеттік лицензиясы бар автомектептер ғана дайындай алады. Әрбір курста жол қозғалысы ережелерін, алғашқы медициналық көмек көрсетуді және көлік құралының құрылымын зерттеу оқытылады.

“Бірнеше жыл бойы адамдар өздігінен дайындықтан өтіп, ешқандай ережелерді білмей, автосервис орталығына келіп, жүргізуші куәлігін алуға өтініш берді. Яғни, олар интернеттен тест сатып алады, жаттап алады, келіп, тапсырады. Содан кейін бізге келіп көлік жүргізуді үйренеді. Олар бізге көлік жүргізу сабағына келгенде нұсқаушылар жағасын ұстайды. Өйткені олар "тоқтау сызығының" не екенін білмейді. Сондықтан бұл заң өте жақсы ойластырылып, қабылданды. Енді адамдар жүргізуші куәлігін алу үшін жол ережесін нақты зерттейтін болады”, – дейді автомектептер желісінің бас директоры Назира Нұрбекова.

Ішкі істер министрлігінің ресми өкілі Шыңғыс Алекешов аталған түзетулер туралы тарқатып айтты.

“Біріншіден, біз жоғары сұранысқа ие мемлекеттік нөмірлерді қайта алуды жеңілдеттік. Егер сіз басқа аймаққа көшсеңіз, онда алдыңғы аймақта алынған жоғары сұранысқа ие нөмірді өзіңізде қалдыра аласыз. Сонымен қатар дәл осындай нөмірлерді жақын туыстарыңызға, яғни ата-анаңызға, бауырларыңызға, балаларыңыз немесе жұбайыңызға қайта рәсімдей аласыз. Біз бұл түзетулерді осыған ұқсас жағдайларға тап болған азаматтардың өтінішін ескере отырып ұсындық”, – дейді департамент бастығы.

Екіншіден, көлікті тіркеу процесін жеңілдету үшін оның техникалық сипаттамалары бойынша бірқатар қағаз құжаттардан бас тартылды. Қазақстанда көлікті бастапқы тіркеу кезіндегі бұл құжаттарды мемлекеттік органдардың дерекқорынан электронды түрде алуға болады. Сондай-ақ мемлекеттік қызметтерге жүгіну кезінде алаяқтық әрекеттердің алдын алу үшін автокөліктерді сату-сатып алу келісімін нотариалды куәландыру бойынша талап қайтарылды.

Дәл осы мақсатта көлікті бастапқы тіркеу немесе кузовты ауыстыру, қайта жабдықтау немесе оның түсін ауыстыру барысында міндетті түрде криминалистер тарапынан көліктің тексерілуі енгізілді.

“Бұдан басқа, “А”, “В” санатындағы жеңіл көліктер мен мотоциклдерге жүргізу куәлігін алу үшін міндетті түрде көлік мектептерінде оқудан өту қажет. Олар – көліктердің ең көп таралған түрлері. Талдау көрсеткендей, бұлар жол-көлік оқиғаларына жиі түседі. Сондықтан оларды жүргізу үшін кешенді теориялық және практикалық даярлықтан өту керек”, – дейді министрліктің ресми өкілі.

Жалпы 53 түзету қабылданды. Олар биыл 23 сәуірден бастап күшіне енді.

“Құрметті азаматтар! Аталған түзетулер ең алдымен сіздің қауіпсіздігіңізді қамтамасыз етуге, сондай-ақ азаматтарға полиция тарапынан көрсетілетін қызметтердің сапасын көтеруге бағытталған”, – деді департамент бастығы Шыңғыс Алекешев.

Талқылау