26 қазанда Тараздағы колледждің 15 жастағы студентінің мәйіті байланыс мұнарасынан табылған. Інісі сол жерден оны өлі күйінде көрді. Келесі күні таңертең тағы бір 16 жастағы оқушының денесі өз үйінің қорасынан табылды.

Тұрғындардың айтуынша, аталмыш байланыс мұнарасы жастар арасында танымал. Мұнараның қоршалған аймағына кіру де оңай дейді.

Көршілердің айтуынша, екі жігіт те көпбалалы отбасыдан шыққан және бір көшеде тұратын. Айтуынша, екі бала да жақсы болған, бір-бірін жақсы білетін, жерлеуіне қатысқан. Бірақ ауыл тұрғындары жасөспірімдердің не себепті мұндай қадамға барғанын түсіне алар емес. Тек олардың біреуі өлер алдында хат жазып қалдырған деген қауесет бар.

“Көз алдымызда жүрген, көпбалалы отбасыдан шыққан, тәрбиелі балалар, қиналып өскен жоқ. Жақсы бала, мектепке барды, ата-анасына көмектесті. Мен не болғанын елестете де алмаймын”, – деді марқұмның көршісі Дәулетқұл Молдабеков.

Полицейлер әзірге қос қайғылы оқиғаның жай-жапсарын ашқан жоқ. Олар екі жағдайды да "Өзін-өзі өлтіруге итермелеу" бабы бойынша тергеп жатыр.

“Осы фактілер бойынша Байзақ аудандық ішкі істер бөлімінің қызметкерлері сотқа дейінгі тергеу амалдарын бастады. Оқиғаның егжей-тегжейлі мән-жайын анықтау үшін қажет кешенді тергеу шаралары жүргізіліп жатыр. Екі оқиғаның бір-бірімен байланысы жоқ, олар бір-біріне туыс емес”, – деп мәлімдеді Жамбыл облысы ІІД баспасөз қызметінің жетекшісі Гүлсара Мұхтарқұлова.

Қазір ауылда психолог, педагог, инспекторлардан құрылған комиссия жұмыс істейді. Олар аулаларды аралап, болған оқиғаның себептерін түсінуге тырысып жүр.

Еске салсақ, бұған дейін Жамбыл облысындағы бір ауылда екі жасөспірім өзіне қол жұмсағаны айтылды.

Талқылау