Қазақстандық 13 жыл бұрын алған жарақаты үшін жұмыс берушіден 5 миллион теңге өндіріп алды
Фото: Stan.kz
"Богатырь Көмір" серіктестігінде жол жөндеуші болып жұмыс істеген екібастұздық азамат ауыр өндірістік жарақаттан кейін сот арқылы моральдық шығын өтеп алды. Бұл туралы Stan.kz ақпарат агенттігі хабарлайды.
2012 жылдың көктемінде рельсті кесіп жатқан кезде оның көзіне металл сынығы түскен. Сосын бір көзі мүлде көрмей қалған.
Тергеу жүргізіліп, жағдайға жұмыс беруші кінәлі деп танылды. Ер адамға қайта тексеру мерзімінсіз ІІІ топтағы мүгедектік тағайындалды. Сондай-ақ жәбірленушіге кәсіби қабілетін 55 пайыз, жалпы қабілетін 50 пайыз жоғалтты деген диагноз қойылған. Алғашында компания комиссиясы мұндай төлемдер қарастырылмағанын айтып, моральдық шығынды өтеуден бас тартқан.
Содан кейін ер адам сотқа жүгініп, жарақат оның бүкіл өмірін өзгерткенін жеткізген. Қазір жұмыс істей алмайтынын, оған медициналық процедуралар қажет екенін айтқан. Сондай-ақ мүгедектіктің өзі физикалық ғана емес, психологиялық азапты да әкелетінін жеткізген. Бірінші сатыдағы сот уәжді салмақты деп танып, оған миллион теңге өндіріп беретін болды.
Компания бұл шешімге шағымдануға тырысып, сома тым көп екенін және оқиғаның 10 жылдан астам уақыт бұрын болғанын айтты. Бірақ облыстық сот келіспеді. Олар заң тек объективті салдарды емес, жәбірленушінің субъективті түсінігін де ескеруге мүмкіндік беретінін айтты. Үкім заңды күшіне енді.
Айта кетейік, бұған дейін Ер адам иті үргені үшін көршілеріне ай сайын 106 мың теңге өтемақы төлейтін болғаны туралы жазған едік.
"Ет, құрт, қазы, музыкалық аспап алып кіре алмайды": Қазақстандықтар ұшаққа отырарда нені ескеруі тиіс
