Дзюдошы Данияр Шамшаев Еуропа кубогында алтын медаль жеңіп алды
Хорватияның Дубровник қаласында дзюдодан ересектер арасында өтіп жатқан Еуропа кубогында ел қоржынына алғашқы алтынды Данияр Шамшаев салды. Бұл туралы Stan.kz ақпарат агенттігі хабарлайды.
Еске салсақ, Данияр Шамшаев ұзақ уақытқы үзілістен кейін татамиге оралып отыр. Ол 2024 жылы Париж Олимпиадасында белдесіп, жүлдеге іліне алмаған.
73 келіде сынға түскен отандасымыз іріктеу кезеңінде Хорватия, Аустрия және Венгрия балуандарынан айласын асырды. Ал жартылай финалда жергілікті дзюдошы Адам Калацты тізе бүктірді. Ақтық сында франциядық Максим Гобертті шаң қаптырды.
Бұдан өзге 60 келіде Дамир Болатбеков финалға жолдама алған еді. Алайда ол шешіэуші сында сүрініп күміс медаль еншіледі.
Сондай-ақ әйелдер арасында +78 келідегі жерлесіміз Толқын Тұрсынақынова ширек финалда бастап, Хорватия өкілі Леона Никетичті жеңді. Бірақ ол жартылай финалда молдовалық Оксана Диаценкоға есе жіберді. Дегенмен қола медаль үшін хорват қызы Стелла Ловаковичті жеңіп, үздік үштіктің қатарынан көрінді.
Мақсатым – Олимпиада. Жаңа бапкерлік штаб 1,5 жылда нәтиже береді – Ғұсман Қырғызбаев
Олимпиада алдында қазақстандық спортшыларға 1,2 миллион теңгеден төленді
Осылайша Қазақстан қоржынына алғашқы жарыс күні 1 алтын, 1 күміс, 1 қола жүлде түсті.
Айта кетейік, айтулы жарысқа 32 елден 305 дзюдошылар өзара мықтыны анықтауда.
Жаңа салық кодексі әлеуметтік кәсіпкерлерді жеңілдіктерден айырды – Тапсырыс жоқ, қарыз көбейді
