– Президент оркестріне келуіме себепші болған адамдардың бірі – Бекболат Тілеухан. 2000 жылы Астанаға келгелі бір шығармашылық бірлестікте жүрміз. Өйткені сол уақыттан бастап біздің басшымыз болды. Ағаның шыққан өлеңдеріне куәгерміз. Барлығын болмаса да, әндерінің 60-70-ын сахнада айттық. Жалпы патриоттық әндердің сазгері ретінде, рухани бағытқа қимыл-әрекетімен тәрбиелеп жүрген жанның бірі ғой. Сол себепті Алматыдағы, Астанадағы кештерінде әнімізді айтып, бірге болдық. Аллаға шүкір, Астана Алматымен теңесетіндей жағдайға келді. Бар өнерпаз осында жүр. Достығымыз үзілмеген Бауыржан Есебаев, Бағлан Омаров сынды сазгерлеріміз бар. Қазақта “Көзден кетсе, көңілден алыстайды” деген сөз бар ғой. Біраз өлеңдер де жазылып жатыр. Жуырда Есенқұл Жақыпбек ағамыздың кеші өтеді. Соған қатысамын. Жұмыс қарқынды жүріп тұр. Қазір нағыз өнермен айналысатын уақыт.

– Үйде өсіп келе жатқан балаларыңыз өнерге жақын ба?

– Алма ағаштан алысқа құламайтыны белгілі ғой. Қақпалап, оларды өнерден алыс деп айта алмаймын. Өйткені күнделікті үйдегі іс-шарамыз сол болғандықтан, қызым да, ұлым да қара жаяу емес. Бірақ арнайы музыкалық білім алып, өнер саласына келіп түскен жоқ. Қызым үлкейіп қалды. Қазір бірінші курста география саласы бойынша білім алып жатыр. Түрлі ғылыми жобамен айналысып жүр. Жігіт жеті өнерлі болуы керек демекші, ұлым домбырада ойнайды. Барлығын қамтығанымен, спортқа бейім. Әу деп өлеңін айтқанымен, бір иығын спортқа беріп тұрады. Шаралардың бас-аяғында жүреді.

Менің бір ғана тілегім бар – елдің амандығы мен тыныштығы. Осы ел бейбіт өмір сүргенде ғана ән мен күй орындалады.

Жіберіп алмаңыз:

Айсәуле Бақытбек енді күшігінің тырнағына маникюр жасата бастады (фото)

Есентаева сүйіктісін шоу-бизнеске қатысты жиындардан тастамай ертіп жүретін болған (фото)

Трансвеститтер шоуына барған Айқын тыңдармандарын шошытты

Қытайлық фанаттар үйлерінің сыртына Димаштың атын жаздырып алған

Талқылау