Есентаева сүйіктісін шоу-бизнеске қатысты жиындардан тастамай ертіп жүретін болған (фото)

Дильназ Ахмадиева «Самый мой любимый человек» атты клипінің тұсау кесерін дүркіретіп атап өтті. Үлкен дастархан жайған мейрамханаға шоу-бизнес әлемінің барлық «бөріктілері мен көріктілері» жиналды. Тіпті, Баян Мақсатқызы өз жігітімен келіп, құрбысының қуанышына ортақтасты. Ахмадиеваның су жаға клипін Stan.kz сайтының тілшісі де біріншілердің бірі болып тамашалап қайтқан еді.

Продюсер Баянның қатарын Эрик Тастембеков, Алтынбек Рахметов сынды продюсерлер толықтырды. Нағима Есқалиева, Нұрлан Абдуллин, Медеу Арынбаев бастаған эстрада жұлдыздарының қатарында Мақпал Исабекова, Нұржан Керменбаев, Әлішер Каримов тіпті сахнадан көрінбей, ән айтуды доғарған Лидо да жүр. Көңілді кеште би билеген жұлдыздар әннен шашу шашып мәре сәре болды.