Дональд Трамп BBC басылымын сөздерін бұрмалағаны үшін 10 миллиард доллар өндіріп алмақ

Фото: 5.ua

АҚШ президенті Дональд Трамп BBC басылымына қарсы 10 миллиард доллар көлемінде талап арыз берді. Ол британдық корпорацияны құжаттық фильмде сөздерін бұрмалап, тікелей зорлыққа шақырғандай әсер қалдырды деп айыптайды. Трамп арызда жала жабу және Флорида штатының сауда қызметі заңын бұзу туралы талаптарын келтірген. Бұл туралы Stan.kz ақпарат агенттігі Bloomberg.com порталына сілтеме жасап хабарлайды.

АҚШ президенті Дональд Трамп BBC ақпарат агенттігіне 10 миллиард доллардан кем емес көлемде талап арыз берген. Ол корпорацияны өткен жылы шығарылған құжаттық фильмді алдамшы түрде монтаждады деп айыптады. Трамптың айтуынша, монтаж оның Капитолийге шабуыл жасаған жақтастарына дейін жасаған сөзінде тікелей зорлыққа шақырғандай әсер қалдырған.

BBC-ға қарсы талап арыз дүйсенбі күні, 15 желтоқсанда, Майамидегі федералдық сотқа берілді. Арызда бір бап бойынша жала жабу, ал екіншісі бойынша BBC-дың Флорида штатының сауда қызметі заңнамасын бұзуы туралы айыптар бар. Трамп әр бап бойынша кемінде 5 миллиард доллар өтемақы және басқа шығындарды төлеуді талап етеді.

Трамптың адвокаты Алехандро Брито жалпы талап көлемінің 10 миллиард доллар екенін растады.

Трамп BBC-ға сотқа жүгінетінін хабарлаған болатын, себебі BBC басшысы Самир Шах 10 қарашада Трамптың сөзі монтаждалған кадрлар Panorama бағдарламасында 2024 жылы көрсетілгенін және олар "зорлыққа тікелей шақырғандай әсер қалдырғанын" мойындады.

Бірнеше күннен кейін корпорация екінші рет кешірім сұрады, алайда президенттің өтемақы төлеу талабын орындамады.

"Мен BBC-ға сотқа жүгіне отырып, олар мен айтпаған нәрсені маған артып қойды деп шағымданамын", – деді Трамп Ақ үйде.

Документалды фильмде Трамп өз жақтастарына "Капитолийге бару" және "соңына дейін күресу" керектігін айтқандай әсер қалдырды делінген. Шын мәнінде ол "батыл сенаторлар мен конгресс мүшелерін қолдауға" шақырған. Ал "соңына дейін күресу" деген сөз сөйлеудің басқа бөлімінен алынған.

Талап арызда мұндай монтаж "сайлау процесіне кедергі жасауға және оның нәтижесіне зиян келтіруге бағытталған батыл әрекет" деп көрсетілген.

"Бұл жағдай мәнін бұрмалау және сөйлеудің бір-бірімен байланысы жоқ бөліктерін біріктіру арқылы жасалған жалған әрекет. BBC Трамптың сөздерін манипуляциялап, оны жалған зорлыққа шақыру арқылы қаралауды дәстүрлі тәжірибеге айналдырған", – деп мәлімдеді Трамптың адвокаты арызда.

Time журналы бірнеше адамды "Жыл адамы" деп таныды

ҚазТАГ басшыларына қатысты қылмыстық іс қозғалды

Еске салайық, бұған дейін мәдениет және ақпарат министрлігі Orda.kz бас редакторы Гүлнар Бажкенова мен ҚазТАГ басшыларына қатысты қозғалған қылмыстық істерді бақылауда ұстап отырғаны туралы жазған едік. Министр Аида Балаева журналистердің құқығын тек заң шеңберінде ғана қорғауға болатынын атап өтті. Бұған дейін Гүлнар Бажкеноваға жалған ақпарат таратты деген айып тағылып, екі айға үйқамаққа алынған, ал ҚазТАГ жетекшілеріне қатысты іс 9 желтоқсанда қозғалған еді.