"Демалыс берілмей, үстеме жұмыстар жүктелген": Алматыда автобус жүргізушілерінің құқығы бұзылған
Алматыда автобус жүргізушілерінің құқығы бұзылып келген. Оларға ауысымаралық демалыс берілмей, үстеме жұмыстар жүктелген. Бұл туралы Stan.kz ақпарат агенттігі хабарлайды.
Фото: pixabay.com
Түрксіб ауданының прокуратурасының мәліметінше, қаланың ең ірі жолаушылар тасымалдаушысы 1656 автобус жүргізушісінің еңбек заңнамасын бұзғаны анықталған.
“Бұзушылықтар үстеме жұмыстардың шекті санының артуынан, ауысымаралық демалыс ұзақтығының қысқаруынан және жүргізушілерге демалыс күндерінің берілмеуінен болып келген.
Тасымалдаушының мұндай әрекеттері жол қозғалысы қауіпсіздігіне әсер етеді және азаматтардың өмірі мен денсаулығына қауіп төндіреді”, – делінген хабарламада.
Талдау нәтижесіне сай, тасымалдаушы әкімшілік жауапкершілікке тартылды. Қадағалау актісі бойынша жіберілген бұзушылықтар жойылды. Жұмысшылардың еңбек құқықтары қалпына келтірілді.
Қазақстанда көпбалалы әйелдерге 8 наурызға орай 43 мың теңгеге дейін біржолғы төлем беріледі
Ал қалған 8 аймақта көпбалалы аналарға ақшалай төлем берілмейді екен
"Бәрі бір сәтте мәнсіз болып қалды": Таяу Шығыста қиын жағдайға тап болған қазақстандықтар көргендерін айтып берді
Назгүл Тұрысбекованың сөзінше, олар құжаттарын ғана алып, қауіпсіз жерге шығуға мәжбүр болған