Данияда әйелдер әскерге баруға міндеттелді
Биыл 1 шілдеден бастап Данияда әйелдер ерлермен тең дәрежеде әскери қызмет атқаруға міндеттелді. Бұл туралы Stan.kz ақпарат агенттігі Reuters басылымына сілтеме жасап хабарлайды.
Тиісті заңды парламент 2023 жылдың маусымында қабылдаған. Бірақ ол араға екі жыл салып, күшіне енді.
Жаңа ережелер биыл 1 шілдеден бастап, 18 жасқа толған әйел азаматтарға қатысты болады. Олар қызметке жарамдылығын бағалау үшін алдын ала тіркелуі керек.
Бұрын әйелдер әрқайсы өз еркімен қызмет ететін болса, енді олар ерлермен бірдей жүйе бойынша шақырылады. Біріншіден, еріктілер алынады, қалған орындар жеребе бойынша толтырылады.
2024 жылы Дания әскеріне жаңадан қабылданғандар 24% ерікті әйелдер болған.
Айта кетейік, бұған дейін Қазақстанда енді жігіттерді әскерге көшеден алып кете алмайтыны туралы жазған едік.
"TikTok арқылы жарын жолықтырып, заңгерден әншілікке өткен": Желіде танымал болған қазақстандықтар қалай жетістікке жеткенін айтып берді
Рамазан айы басталып, Ұлттық қордан балаларға ақша түседі: Ақпаннан бастап Қазақстанда қандай өзгерістер болады?
Отбасы банк тұрғын үй кезегінде тұрған азаматтарға қатысты талаптарды жұмсартты