Дамир Исмағұлов кәсіпқой бокстан жекпе-жек өткізеді
UFC тұжырымының экс-спортшысы Дамир Исмағұлов (26-3) кәсіпқой бокстан дебютті жекпе-жегін өткізеді. Бұл туралы Stan.kz ақпарат агенттігі хабарлайды.
Фото:Chris Unger/Zuffa LLC
Қазақстандық аралас жекпе-жек шебері Дамир Исмағұлов (26-3) желтоқсан айында кәсіби бокстағы алғашқы кездесуін өткізеді. Отандасымыз 20 желтоқсанда Астанадағы Жақсылық Үшкемпіров атындағы жекпе-жек сарайында өтетін турнирде кәсіби бокстағы алғашқы кездесуін өткізеді. Fight Nights Global тұжырымы өткізетін бокс кешінде Рой Джонс, Маркус Майдана секілді әлемдік деңгейдегі жұлдыздар арнайы келіп қатысады. Дегенмен Дамир Исмағұловтың қарсыласы әлі белгісіз.
Айта кетейік, Дамир соңғы жекпе-жегін Alash Pride 100 турнирінде өткізіп, бразилиялық қарсыласын ауыр нокаутқа жіберген еді.
Талқылау