Бұрын Chevrolet Tracker екі комплектацияға – LT және LT Redline-ға ие болса, енді ұсынылған модель LS, LT және premier-дің үш түрімен толықтырылды және әрі қарай да кеңейту жоспарланған.

2022 жылғы модельмен салыстырғанда Chevrolet Tracker 1,2 литрге дейін ұлғайтылған қозғалтқышты және 132 а.к. – 125 а.к.-ға қарсы 1 литр қозғалтқышы бар нұсқада 100 км/сағатқа дейінгі қалалық кроссовердің үдеуі 1,4 секундқа қысқарды. Осы сегментпен 11,1 секундта рекордтық көрсеткішке ие болды. Өндіруші мәлімдеген 100 шақырымда отын шығыны аралас циклде бар-жоғы 6,5 литрді құрайды.

Халық арасында өз орнын қалыптастырып үлгерген модельдің сыртқы жағында диск дизайны жаңартылған, кейбір бөлшектері хромдалған. Кроссовер панорамалық шатырмен жабдықталған, LT жиынтығынан бастап, ашық аспан астында тұрғандай сезім тудырады. Модель конфигурацияға байланысты динамикалық таңбаланған артқы көрініс камерасымен, салонға кілтсіз кіру мүмкіндігімен және Push Start жүйесімен жабдықталған.

Жүргізуші мен жолаушыларды қорғау үшін автомобиль алдыңғы және артқы орындықтарында алдыңғы жақтан және бүйірден қауіпсіздік жастықтарымен және ISOFIX балалар креслоларына арналған бекіткішпен жабдықталған. Бұл модельдің өлшемдері сақталған: ұзындығы - 4270 мм, дөңгелек базасы – 2570 мм, кроссовердің клиренсі – 161 мм, бұл автожолы жоқ орындарда ыңғайлы қозғалысты қамтамасыз етеді.

MyLink ақпараттық ойын-сауық жүйесі жетілдірілген Apple CarPlay/Android Auto мүмкіндігімен жабдықталған. 12В қосалқы розетка, көліктің алдыңғы жағына арналған USB порты және артқы орындықтардағы жолаушыларға арналған зарядтау функциялы 2 USB бар.

Chevrolet Tracker моделі алғаш рет 2013 жылы шықты және өзінің шағын мерейтойын атап өткелі отыр. Әрбір жаңа буынмен автомобиль жаңарып әрі жетіліп келеді. Сол себепті соңғы жылдары өз сегментіндегі ең танымалдардың біріне айналды.

Chevrolet желісінде дәл осы жылдың наурыз, сәуір және мамыр айларында сатылым саны рекордтық көрсеткішке жетті, ал Қазақстандағы B-SUV сегментінде осы айларда екінші орынды иеленіп, жоғары сұранысқа ие болған да осы Tracker.

2020 жылдың мамыр айынан бастап Chevrolet автомобиль брендінің дистрибуциясы қазақстандық Allur автомобиль компаниясының құрамына кіреді. Chevrolet автокөлік бренді ресми нарықта 2021 жылдан бері ең көп сатылатын автокөліктер рейтингінде көш бастап тұр.

Биыл қазан айында сатылған автокөліктер саны бойынша Chevrolet 27 622 бірлікке жетті, бұл – Қазақстандағы барлық автокөлік маркалары арасындағы рекордтық сату көрсеткіші.

Талқылау