Өнер иесі жақында жеке бизнесін қолға алмақ. Ол алдағы уақытта оқырмандарына өзінің энергиясына толы затты ұсынатынын жеткізді. Алайда әнші оның нақты не екенін айтпай, құпия сақтап қалды.

"Қыздар бұл идеямды жақындарыма, құрбыларыма – әлі ешкімге айтпадым. Ешкімге бөліспедім. Желіде де сіздерді қызықтырып, дайындап, көз бен құлақтарыңызды үйретуге тырыспадым. Өйткені бір ғана мақсатым болды. Реті келіп, бәрін өзім айтамын деп ойладым. Осы уақытта қазақ қыз-келіншектерінің өзіне не қалайтынын зерттедім. Олардың қалауын бір жерге жинап, түйіндегім келді. Әйелдің жанын әйел түсінеді ғой. Мен сіздерді түсіндім. Әр әйелдің жүрек түбіндегі арманы ұқсас. Қыз бала түрлі сынақтардан өтеді. Әр ару бақытты ғұмыр кешу керек деп ойлаймын”, – деп жазды әнші.

Сондай-ақ өнер иесі су жаңа тауарын жақында сатылымға шығаратынын хабарлады.

“Мен анамын, әншімін, жармын, қазақтың еркелеп жүрген қызымын. Алайда инстасаудагер емеспін. Осы заман талабына сай марафон, курс ойластырып, сатпадым. Сұраныс күн сайын болса да, келіспедім. Жақында мен сіздерге ұсынатын нәрсе өз өмірімнен, жүрегімнен, махаббатымнан, арманымнан туындаған зат. Осы затпен мен сіздерге бір қадам жақындаймын. Осы затты алған соң менің "Ерке Есмаханның бір бөлшегі" сіздермен бірге болады. Бұл затта менің энергиям бар. Өйткені бұл заттың авторы менмін. Дайын болыңыздар, жақын күндері көрсетемін", – деп жазды мегажұлдыз.

Еске салайық, "Сөмке емес, сауап жина" деп ақыл айтқан оқырманына Ерке Есмахан ашуланған еді.

Талқылау